Orta salmaqtaǵy IBF jáne IBO nusqalary boiynsha álem chempiony Gennadii Golovkin Walking The Floor podkastynda suhbat berip, aldaǵy jospary týraly aitty, - dep habarlaidy Tengrinews.kz tilshisi Vesti.kz saityna silteme jasap.
- Qazir karerańyzdy aiaqtaityn ýaqyt jaqyndady. Taǵy qansha ýaqyt óner kórsetesiz jáne bokstan keiin ne isteitinińizdi oilandyńyz ba?
- Raqmet, Kris, durys baiqadyń. Basqalar siiaqty erte sheshim shyǵarmadyń. Boksqa degen mahabbatym eshqashan toqtamaidy dep oilaimyn. Bul ýniversitetti bitirý siiaqty. Ýniversitetti támamdap, jumysqa shyǵasyń, sóitip, shynaiy ómir bastalady. Mende de sondai sezim. "Ýniversitetti bitiremin" jáne qalypty ómirge qadam basamyn. Bul qalai bolatynyn eshkim bilmeidi. Biraq ne isteitinim týraly ideialarym bar. Sondyqtan oǵan jaqsy qaraimyn, daiynmyn. Ár nárseniń óz ýaqyty bar. Áli aiaqtaǵan joqpyn, biraq oǵan qasiretke qaraǵan sekildi qaramaimyn. Meniń oiymsha, tek jaqsy bolady. Kez kelgen tańdaýym durys bolady dep oilaimyn.
- Balalaryń bir kúni: "Áke, biz de sen siiaqty boksshy bolǵymyz keledi", - dese, ne der edińiz?
- Mundai jaǵdai bolýy ekitalai. Úlken ulym ne isteitinimdi, qalai isteitinimdi biledi. Ol hokkei oinaidy. Onyń bokspen ainalysqysy keletinine kúmánim bar. Keide ony boks nemese UFC kórýge shaqyramyn. Ol: "áke, bul zańsyz. Siz zańsyz istermen ainalysasyz" deidi. Sondyqtan olardyń mundai qalaýy bar ekenine kúmánim bar. Ashyǵyn aitqanda, olar bokspen ainalysatyndai jaǵdaida emes. Olar - basqa býyn, basqasha oilaidy. Keide olarmen ózderiniń tilinde sóilesesiń, tipti ne týraly aityp jatqanyn túsinbei qalatyn kezder de bolady.
Sondai-aq, Golovkin motivatsiiany qaidan alatynyn aitty.
"Ásirese jas ulǵaiǵan saiyn motivatsiia qajet eken. Kóptegen mysal keltirýge bolady: bul - Roi Djonstyń Antonio Tarverge qarsy jekpe-jegi jáne Maik Taisonnyń Japoniiada Dýglasqa qarsy kúresi. Tarihta mundai oqiǵalar bar ekeni belgili. Sondyqtan tek durys qorytyndy jasaý kerek. Biraq ózim úshin basqasha aitqym keledi. Motivatsiia deýge kelmeitin shyǵar, tilegim bar. Shynynda da, birdeńe qalasań... "Jaman" mysal keltirýge bolady. Jynystyq qatynasty qalasań, onda shynymen qalaisyń. Joq bolsa, joq. Jekpe-jek te sondai. Ýaqyt ótti, "ashsyń", ony qalaisyń. Bul jekpe-jekti keremet ótkizgiń keledi, oǵan tolyq berilesiń", - dedi Golovkin.
