ورتا سالماقتاعى IBF جەنە IBO نۇسقالارى بويىنشا ەلەم چەمپيونى گەنناديي گولوۆكين Walking The Floor پودكاستىندا سۇحبات بەرٸپ, الداعى جوسپارى تۋرالى ايتتى, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
- قازٸر كارەراڭىزدى اياقتايتىن ۋاقىت جاقىندادى. تاعى قانشا ۋاقىت ٶنەر كٶرسەتەسٸز جەنە بوكستان كەيٸن نە ٸستەيتٸنٸڭٸزدٸ ويلاندىڭىز با?
- راقمەت, كريس, دۇرىس بايقادىڭ. باسقالار سيياقتى ەرتە شەشٸم شىعارمادىڭ. بوكسقا دەگەن ماحابباتىم ەشقاشان توقتامايدى دەپ ويلايمىن. بۇل ۋنيۆەرسيتەتتٸ بٸتٸرۋ سيياقتى. ۋنيۆەرسيتەتتٸ تەمامداپ, جۇمىسقا شىعاسىڭ, سٶيتٸپ, شىنايى ٶمٸر باستالادى. مەندە دە سونداي سەزٸم. "ۋنيۆەرسيتەتتٸ بٸتٸرەمٸن" جەنە قالىپتى ٶمٸرگە قادام باسامىن. بۇل قالاي بولاتىنىن ەشكٸم بٸلمەيدٸ. بٸراق نە ٸستەيتٸنٸم تۋرالى يدەيالارىم بار. سوندىقتان وعان جاقسى قارايمىن, دايىنمىن. ەر نەرسەنٸڭ ٶز ۋاقىتى بار. ەلٸ اياقتاعان جوقپىن, بٸراق وعان قاسٸرەتكە قاراعان سەكٸلدٸ قارامايمىن. مەنٸڭ ويىمشا, تەك جاقسى بولادى. كەز كەلگەن تاڭداۋىم دۇرىس بولادى دەپ ويلايمىن.
- بالالارىڭ بٸر كٷنٸ: "ەكە, بٸز دە سەن سيياقتى بوكسشى بولعىمىز كەلەدٸ", - دەسە, نە دەر ەدٸڭٸز?
- مۇنداي جاعداي بولۋى ەكٸتالاي. ٷلكەن ۇلىم نە ٸستەيتٸنٸمدٸ, قالاي ٸستەيتٸنٸمدٸ بٸلەدٸ. ول حوككەي وينايدى. ونىڭ بوكسپەن اينالىسقىسى كەلەتٸنٸنە كٷمەنٸم بار. كەيدە ونى بوكس نەمەسە UFC كٶرۋگە شاقىرامىن. ول: "ەكە, بۇل زاڭسىز. سٸز زاڭسىز ٸستەرمەن اينالىساسىز" دەيدٸ. سوندىقتان ولاردىڭ مۇنداي قالاۋى بار ەكەنٸنە كٷمەنٸم بار. اشىعىن ايتقاندا, ولار بوكسپەن اينالىساتىنداي جاعدايدا ەمەس. ولار - باسقا بۋىن, باسقاشا ويلايدى. كەيدە ولارمەن ٶزدەرٸنٸڭ تٸلٸندە سٶيلەسەسٸڭ, تٸپتٸ نە تۋرالى ايتىپ جاتقانىن تٷسٸنبەي قالاتىن كەزدەر دە بولادى.
سونداي-اق, گولوۆكين موتيۆاتسييانى قايدان الاتىنىن ايتتى.
"ەسٸرەسە جاس ۇلعايعان سايىن موتيۆاتسييا قاجەت ەكەن. كٶپتەگەن مىسال كەلتٸرۋگە بولادى: بۇل - روي دجونستىڭ انتونيو تارۆەرگە قارسى جەكپە-جەگٸ جەنە مايك تايسوننىڭ جاپونييادا دۋگلاسقا قارسى كٷرەسٸ. تاريحتا مۇنداي وقيعالار بار ەكەنٸ بەلگٸلٸ. سوندىقتان تەك دۇرىس قورىتىندى جاساۋ كەرەك. بٸراق ٶزٸم ٷشٸن باسقاشا ايتقىم كەلەدٸ. موتيۆاتسييا دەۋگە كەلمەيتٸن شىعار, تٸلەگٸم بار. شىنىندا دا, بٸردەڭە قالاساڭ... "جامان" مىسال كەلتٸرۋگە بولادى. جىنىستىق قاتىناستى قالاساڭ, وندا شىنىمەن قالايسىڭ. جوق بولسا, جوق. جەكپە-جەك تە سونداي. ۋاقىت ٶتتٸ, "اشسىڭ", ونى قالايسىڭ. بۇل جەكپە-جەكتٸ كەرەمەت ٶتكٸزگٸڭ كەلەدٸ, وعان تولىق بەرٸلەسٸڭ", - دەدٸ گولوۆكين.
