Orta salmaqta WBO titýlynyń iegeri Billi Djo Sonders osy salmaq dárejesinde WBA (Super), IBO, WBC jáne IBF tujyrymdary boiynsha álem chempiony qazaqstandyq boksshy Gennadii Golovkinmen (37-0-1, 33 KO) ótýi múmkin degen jekpe-jek jaily málimdeme jasady, - dep habarlaidy Vesti.kz.
BBC Sport málimetinshe, ol qazaqstandyqty jeńetinine senimdi. "Golovkinniń kúshi kóp, qysymdy da jaqsy jasaidy jáne aiaqpen shapshań qozǵalady. Alaida ol 28-de emes - ol 35-te. Menimen judyryqtasý kóp kúshti qajet etedi. Men jumys isteý degenniń ne ekenin bilemin jáne qazirgi ýaqytta barlyǵy bylai deidi: "Bul - Billi Djo! Ol - myqty boksshy. Ol Golovkindi tize búktiredi, ol "Kanelony" jeńedi!". Osydan tórt ai buryn men titýldy tutqynda ustap turǵan qorqaý edim", - dedi Sonders.
Aita keteiik, osyǵan deiin Golovkin men "Kanelo" arasynda ótetin ekinshi kezdesýde ulybritaniialyq boksshynyń anderkatta óner kórsetetini jaily málimet taraǵan bolatyn.
