Memleket basshysy Qasym-Jomart Toqaev Esep komitetiniń tóraǵasy Natalia Godýnovany qabyldady, - dep habarlaidy "Ult aqparat" Aqordaǵa silteme jasap.
Kezdesý barysynda Prezidentke Esep komitetiniń biylǵy 9 aida atqarǵan jumysy týraly esep berildi. Osy kezeńde barlyǵy 3,4 trillion teńge biýdjet qarajatyn qamtityn 99 obektide 17 aýditorlyq tekserý júrgizilgen.
Natalia Godýnova Qasym-Jomart Toqaevqa 2023-2025 jyldarǵa arnalǵan respýblikalyq biýdjet jobasyn baǵalaýdyń negizgi nátijeleri týraly da málimet berdi. Onda damý biýdjetiniń 3,5 trillion teńge qarjysy qamtylǵan.
Sonymen qatar Memleket basshysyna salyq jeńildikteriniń tiimdiligine júrgizilgen aýdittiń aldyn ala qorytyndylary usynyldy.
Kezdesý qorytyndysy boiynsha Prezident memlekettik aýdit júiesin odan ári damytýǵa qatysty birqatar naqty tapsyrma berdi.
