Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnova biýdjetke salyqty artyq tóleitin kásipkerlerdiń máselesin kóterdi, dep habarlaidy QazAqparat.
«Salyqtyq túsim qurylymynda júieni quraýshy negizgi salyqtyń mólsheri azaiyp barady. Men korporativti tabys salyǵy (KTS) týraly aityp otyrmyn. Ol 30 paiyzǵa qysqardy. Aitpaqshy bul kórsetkish jaǵymsyz tendentsiia men biznestiń ahýalynan habar beredi. Respýblikalyq biýdjetke salyq túsimderiniń artyq tólenip ketý mólsheri ótken jyldan qaraǵanda 170 mlrd teńgege tómendedi. Bul áli de aitarlyqtai kóp soma emes. Bul – memleketke tólenbeýi tiis qarajat bolatyn! Munyń jartysy esepke alynyp, biznes ókilderine osy jyldyń birinshi jartyjyldyǵynda qaitarylady. Biz adal kásipkerlerdiń nápaqasyn alyp otyrmyz», - dedi Natalia Godýnova Parlament Senatynda 2019 jylǵy respýblikalyq biýdjettiń atqarylýy týraly esepti baiandaý kezinde.
Esep komitetiniń basshysy sonymen birge biznes ókilderiniń artyq tólep ketken qarajatynyń mólsherin azaitý jumysyn da synǵa aldy.
«Ol da úlken suraq. Esep komitetiniń tańdaý arqyly júrgizilgen aýdtitimen 8 salyq tóleýshiniń artyq tólendi-aý degen salyǵy 30 mlrd teńgege negizsiz tómendetilgeni anyqtaldy. Bul sharýany statistikalyq kórsetkishterin jaqsartý úshin Qaraǵandy, Aqtóbe, Qostanai, BQO men ShQO, Nur-Sultan qalasynyń memlekettik kirister organdary atqarǵan. Sol úshin KTS-ty tóleý tártibin qaita qaraǵan abzal», - dedi ol.
