رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶراعاسى ناتاليا گودۋنوۆا بيۋدجەتكە سالىقتى ارتىق تٶلەيتٸن كەسٸپكەرلەردٸڭ مەسەلەسٸن كٶتەردٸ, دەپ حابارلايدى قازاقپارات.
«سالىقتىق تٷسٸم قۇرىلىمىندا جٷيەنٸ قۇراۋشى نەگٸزگٸ سالىقتىڭ مٶلشەرٸ ازايىپ بارادى. مەن كورپوراتيۆتٸ تابىس سالىعى (كتس) تۋرالى ايتىپ وتىرمىن. ول 30 پايىزعا قىسقاردى. ايتپاقشى بۇل كٶرسەتكٸش جاعىمسىز تەندەنتسييا مەن بيزنەستٸڭ احۋالىنان حابار بەرەدٸ. رەسپۋبليكالىق بيۋدجەتكە سالىق تٷسٸمدەرٸنٸڭ ارتىق تٶلەنٸپ كەتۋ مٶلشەرٸ ٶتكەن جىلدان قاراعاندا 170 ملرد تەڭگەگە تٶمەندەدٸ. بۇل ەلٸ دە ايتارلىقتاي كٶپ سوما ەمەس. بۇل – مەملەكەتكە تٶلەنبەۋٸ تيٸس قاراجات بولاتىن! مۇنىڭ جارتىسى ەسەپكە الىنىپ, بيزنەس ٶكٸلدەرٸنە وسى جىلدىڭ بٸرٸنشٸ جارتىجىلدىعىندا قايتارىلادى. بٸز ادال كەسٸپكەرلەردٸڭ نەپاقاسىن الىپ وتىرمىز», - دەدٸ ناتاليا گودۋنوۆا پارلامەنت سەناتىندا 2019 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتٸ بايانداۋ كەزٸندە.
ەسەپ كوميتەتٸنٸڭ باسشىسى سونىمەن بٸرگە بيزنەس ٶكٸلدەرٸنٸڭ ارتىق تٶلەپ كەتكەن قاراجاتىنىڭ مٶلشەرٸن ازايتۋ جۇمىسىن دا سىنعا الدى.
«ول دا ٷلكەن سۇراق. ەسەپ كوميتەتٸنٸڭ تاڭداۋ ارقىلى جٷرگٸزٸلگەن اۋدتيتٸمەن 8 سالىق تٶلەۋشٸنٸڭ ارتىق تٶلەندٸ-اۋ دەگەن سالىعى 30 ملرد تەڭگەگە نەگٸزسٸز تٶمەندەتٸلگەنٸ انىقتالدى. بۇل شارۋانى ستاتيستيكالىق كٶرسەتكٸشتەرٸن جاقسارتۋ ٷشٸن قاراعاندى, اقتٶبە, قوستاناي, بقو مەن شقو, نۇر-سۇلتان قالاسىنىڭ مەملەكەتتٸك كٸرٸستەر ورگاندارى اتقارعان. سول ٷشٸن كتس-تى تٶلەۋ تەرتٸبٸن قايتا قاراعان ابزال», - دەدٸ ول.
