Reseidiń N.F.Gamaleia atyndaǵy epidemiologiia jáne mikrobiologiia ulttyq zertteý ortalyǵynyń direktory Aleksandr Gintsbýrg koronavirýs keleshekte tumaý siiaqty vaktsinamen retteletin aýrýǵa ainalady degen boljam aitty. Bul týraly QazAqparat TASS agenttigine silteme jasap habarlaidy.
«Adamzat bul infektsiiany indet tiziminen yǵystyryp, qyzylsha, tumaý, qyzamyq siiaqty vaktsinamen retteletin aýrýlar sanatyna engizedi. Qoldanysqa engiziletin aqylǵa qonymdy sharalardyń arqasynda bul aýrý da tumaý siiaqty ótetin bolady. Biz bul indetten tiimdi qorǵanýdyń jolyn túbinde úirenemiz», - dedi ǵalym «Poka jivy – býdem jit» degen atpen shyǵatyn derekti filmde.
Gintsbýrgtyń aitýyna qaraǵanda, koronavirýsqa qarsy vaktsinatsiia adamdy eki jyldan astam merzimge deiin infektsiiadan qorǵai alady.
«Evoliýtsiia protsesinde antidenelerdiń ornyna jady bar jasýshalar paida bolatyn mehanizm qalyptasty. Vaktsina almai turyp sizdiń aǵzańyzda jady bar 100 jasýsha bolsa, vaktsinanyń ekinshi dozasyn alǵannan keiin onyń sany 10 myńǵa jetýi múmkin. Bir ret ekpe alýdyń arqasynda 3-5 ai boiy jady bar jasýshalardyń qorǵaýynda bolatynyńyzdy eskersek, ekinshi ret ekpe alý arqyly eki jyldan astam ýaqyt aǵzańyz jasýshalardyń qorǵaýynda bolady degen sóz», - dedi Aleksandr Gintsbýrg.
