رەسەيدٸڭ ن.ف.گامالەيا اتىنداعى ەپيدەميولوگييا جەنە ميكروبيولوگييا ۇلتتىق زەرتتەۋ ورتالىعىنىڭ ديرەكتورى الەكساندر گينتسبۋرگ كوروناۆيرۋس كەلەشەكتە تۇماۋ سيياقتى ۆاكتسينامەن رەتتەلەتٸن اۋرۋعا اينالادى دەگەن بولجام ايتتى. بۇل تۋرالى قازاقپارات تاسس اگەنتتٸگٸنە سٸلتەمە جاساپ حابارلايدى.
«ادامزات بۇل ينفەكتسييانى ٸندەت تٸزٸمٸنەن ىعىستىرىپ, قىزىلشا, تۇماۋ, قىزامىق سيياقتى ۆاكتسينامەن رەتتەلەتٸن اۋرۋلار ساناتىنا ەنگٸزەدٸ. قولدانىسقا ەنگٸزٸلەتٸن اقىلعا قونىمدى شارالاردىڭ ارقاسىندا بۇل اۋرۋ دا تۇماۋ سيياقتى ٶتەتٸن بولادى. بٸز بۇل ٸندەتتەن تيٸمدٸ قورعانۋدىڭ جولىن تٷبٸندە ٷيرەنەمٸز», - دەدٸ عالىم «پوكا جيۆى – بۋدەم جيت» دەگەن اتپەن شىعاتىن دەرەكتٸ فيلمدە.
گينتسبۋرگتىڭ ايتۋىنا قاراعاندا, كوروناۆيرۋسقا قارسى ۆاكتسيناتسييا ادامدى ەكٸ جىلدان استام مەرزٸمگە دەيٸن ينفەكتسييادان قورعاي الادى.
«ەۆوليۋتسييا پروتسەسٸندە انتيدەنەلەردٸڭ ورنىنا جادى بار جاسۋشالار پايدا بولاتىن مەحانيزم قالىپتاستى. ۆاكتسينا الماي تۇرىپ سٸزدٸڭ اعزاڭىزدا جادى بار 100 جاسۋشا بولسا, ۆاكتسينانىڭ ەكٸنشٸ دوزاسىن العاننان كەيٸن ونىڭ سانى 10 مىڭعا جەتۋٸ مٷمكٸن. بٸر رەت ەكپە الۋدىڭ ارقاسىندا 3-5 اي بويى جادى بار جاسۋشالاردىڭ قورعاۋىندا بولاتىنىڭىزدى ەسكەرسەك, ەكٸنشٸ رەت ەكپە الۋ ارقىلى ەكٸ جىلدان استام ۋاقىت اعزاڭىز جاسۋشالاردىڭ قورعاۋىندا بولادى دەگەن سٶز», - دەدٸ الەكساندر گينتسبۋرگ.
