Olaf Sholts Angela Merkelge gúl berip tur. Berlin, 24 qarasha, 2021 jyl.
Germaniianyń kelesi kantsleri sotsial-demokratiialyq partiia (SPD) jetekshisi Olaf Sholts bolady. Býndestagqa ótken úsh partiianyń ókilderi bileýshi koalitsiia qurý jóninde kelisimge kelgen soń sailaýda eń kóp daýys jinaǵan SPD jetekshisine úkimet basqarý múmkindigi berildi. Sholts uzaq jyl úkimet basqarǵan Hristian-demokratiialyq odaq (CDU) ókili Angela Merkeldiń ornyn almastyrady, dep habarlaidy Azattyq.
Býndestag sailaýy qyrkúiektiń sońynda ótip, hristian-demokrattar blogy parlamenttegi 48 ornynan aiyrylǵan. Al sotsial-demokrattar burynǵysynan 53 oryn kóp aldy.
Angela Merkeldiń ókileti resmi túrde aiaqtalǵan. 26 qazanda prezident Frank-Valter Shtainmaier Merkel men onyń keńsesiniń múshelerine quzireti aiaqtalǵanyn rastaityn resmi gramotalar tapsyrǵan. Shtainmaier Merkeldiń úkimet basqarǵan jyldaryn el tarihyndaǵy eleýli oqiǵa dep atady.
Angela Merkel 2005 jylǵy qarashadan Germaniia kantsleri bolyp qyzmet etti. Oǵan jańa úkimet jasaqtalǵansha kantsler mindetin atqarý tapsyrylǵan.
