ولاف شولتس انگەلا مەركەلگە گٷل بەرٸپ تۇر. بەرلين, 24 قاراشا, 2021 جىل.
گەرمانييانىڭ كەلەسٸ كانتسلەرٸ سوتسيال-دەموكراتييالىق پارتييا (SPD) جەتەكشٸسٸ ولاف شولتس بولادى. بۋندەستاگقا ٶتكەن ٷش پارتييانىڭ ٶكٸلدەرٸ بيلەۋشٸ كواليتسييا قۇرۋ جٶنٸندە كەلٸسٸمگە كەلگەن سوڭ سايلاۋدا ەڭ كٶپ داۋىس جيناعان SPD جەتەكشٸسٸنە ٷكٸمەت باسقارۋ مٷمكٸندٸگٸ بەرٸلدٸ. شولتس ۇزاق جىل ٷكٸمەت باسقارعان حريستيان-دەموكراتييالىق وداق (CDU) ٶكٸلٸ انگەلا مەركەلدٸڭ ورنىن الماستىرادى, دەپ حابارلايدى ازاتتىق.
بۋندەستاگ سايلاۋى قىركٷيەكتٸڭ سوڭىندا ٶتٸپ, حريستيان-دەموكراتتار بلوگى پارلامەنتتەگٸ 48 ورنىنان ايىرىلعان. ال سوتسيال-دەموكراتتار بۇرىنعىسىنان 53 ورىن كٶپ الدى.
انگەلا مەركەلدٸڭ ٶكٸلەتٸ رەسمي تٷردە اياقتالعان. 26 قازاندا پرەزيدەنت فرانك-ۆالتەر شتاينمايەر مەركەل مەن ونىڭ كەڭسەسٸنٸڭ مٷشەلەرٸنە قۇزٸرەتٸ اياقتالعانىن راستايتىن رەسمي گراموتالار تاپسىرعان. شتاينمايەر مەركەلدٸڭ ٷكٸمەت باسقارعان جىلدارىن ەل تاريحىنداعى ەلەۋلٸ وقيعا دەپ اتادى.
انگەلا مەركەل 2005 جىلعى قاراشادان گەرمانييا كانتسلەرٸ بولىپ قىزمەت ەتتٸ. وعان جاڭا ٷكٸمەت جاساقتالعانشا كانتسلەر مٸندەتٸن اتقارۋ تاپسىرىلعان.
