Germaniiada lokdaýn 28 naýryzǵa deiin uzartyldy. Mundai sheshimdi sársenbi, 3 naýryz kúni GFR kantsleri Angela Merkel men 16 federaldy aýmaq jetekshileri videokonferentsiia túrindegi jinalys kezinde qabyldady, dep habarlaidy Deutsche Welle saity.
Sondai-aq federaldy jáne jer biligi 8 naýryzdan bastap kei shekteýlerdi alý týraly kelisti. Onyń ishinde, kitap jáne gúl satatyn dúkender, baý-baqsha ónimderin satatyn dúkender, kosmetikalyq salondar, avtomektepter men pilottyq mektepter ashylady. Sonymen qatar, jeke qarym-qatynastarǵa qoiylǵan shekteýler de jeńildetiledi. Iaǵni, 14 jasqa deiingi balalardy eseptemegende, eki úidiń 5 adamyna deiin kezdesýge ruqsat etildi. Sondai-aq, kelesi aptadan bastap ár azamat aptasyna bir ret koronavirýstyń bar-joǵyn anyqtaityn jedel tegin test tapsyra alady, barlyq shyǵyndy federaldy bilik óz moinyna alady.
Degenmen, azyq-túliktik emes dúkender, qonaqúiler, meiramhanalar men basqa da mekemeler ázirge jabyq. Budan keiingi shekteýdi jeńildetý sharalary turǵyndardy turaqty testileý kontseptsiiasy men koronavirýs infektsiiasynyń taralýyn aptasyna 100 myń turǵynǵa shaqqanda 50 jańa juqtyrý oqiǵasyna deiin tómendetýge bailanysty bolmaq. Kórsetkish turaqtalsa, basqa da dúkender, murajai, haiýanattar baǵy, botanikalyq baq jáne memorialdyq keshender ashylady.
Mundai sheshimder usynys sipatynda bolady, federaldy jer biligi óńirlerdegi karantin tártibiniń jeńildetilgeni nemese qatańdatylǵany týraly sheshimdi epidemiologiialyq jaǵdaiǵa bailanysty qabyldai alady.
Eske sala ketsek, buǵan deiin Germaniiada qatań karantin 7 naýryzǵa deiin uzartylǵan edi. Germaniiada koronavirýstyń jańa shtamdarynyń taralýyn toqtatý maqsatynda Chehiiamen shekaralyq baqylaý kúsheitilip, Avstriianyń Tirol federaldy shtatynan kirýge tyiym salyndy.
