GFR kantsleri Angela Merkel elde koronavirýs infektsiiasynyń ósimin toqtatý úshin tiisti sharalardy odan ári qoldaný maqsatynda Germaniianyń barlyq 16 federaldyq jeriniń basshylarymen kezdesti, dep habarlaidy "Ult aqparat".
Kezdesý búkil Germaniia boiynsha COVID-19 juqtyrý oqiǵalarynyń ósimine bailanysty ótkizilgen. Sońǵy táýlikte GFR densaýlyq saqtaý organdary koronavirýsqa shaldyǵýdyń 2000-nan astam jańa oqiǵasyn tirkegen.
Kantsler Merkel Germaniiada aýrý juqtyrýdyń mundai qarqynymen jyldyń sońyna qarai kórsetkish kúnine 19 myńnan astam oqiǵaǵa deiin jete alatynyn eskertti.
Onyń aitýynsha, jańa sharalardyń maqsaty – biliktiń qaýipti infektsiia ósiminiń aldyn alyp, ulttyq oqshaýlaýdy boldyrmaý.
«Biz aimaqtyq deńgeide, naqty ári maqsatty túrde áreket etkimiz keledi, elimizde taǵy da shekteý engizilgenin qalamaimyz – oǵan jol berilmeýi tiis», - dep málimdedi Merkel baspasóz konferentsiiasynda.
Ulttyq deńgeidegi keńes qatysýshylary indetti juqtyrý qaýpi joǵary aýdandarda kóńil kóterý keshterin ótkizýdi shekteýge kelisti. Jeti kún ishinde 100 000 adamǵa shaqqanda aýrý juqtyrýdyń 35 myń oqiǵasy tirkelgen aýdandarda jekemenshik kóńil kóterý keshteriniń sany 25 adamǵa deiin, al qoǵamdyq oryndardaǵy jinalys sany endi 50-ge deiin shektelgen.
Búkil Germaniia boiynsha úilený toilary, kóńil kóterý keshteri men basqa da jeke uiymdastyrylǵan sharalar COVID-19 juqtyrý oqiǵalarynyń ósimine ákeletin oshaqtar bolyp sanalady. Osylaisha, elde halyq eń tyǵyz ornalasqan Soltústik Rein-Vestfaliiadaǵy Hamm qalasynda ótken úilený toiynda 100-den astam adam, sonyń ishinde 40 bala indet juqtyrdy.
«Biz kóp nárseni úirenip, jazdyń ishinde KVI-ǵa qarsy kúres júrgizýdi úirendik», - dep atap ótti Merkel. Alaida ol kúz ben qys aldynda aýrý juqtyrý sanynyń ósimi alańdaýshylyq týdyrtyp otyrǵanyn bildirdi.
Olai bolǵanymen, GFR biligi ekonomikanyń qyzmetin, balabaqshalar men mektepterdiń jumysyn toqtatpaýyn el úkimetiniń basty basymdyǵy retinde sanaidy.
Budan basqa, 16 federaldyq jerdiń barlyǵynda endi infektsiianyń taralýyna jol bermeý úshin meiramhanalar men barlarda alkogol ónimderin satýǵa tyiym salynady.
Kantsler Merkel men GFR jerleriniń úkimet basshylary azamattardy osy kúzde qaýipti aimaqtarǵa sapar jasamaýǵa shaqyrdy.
Germaniiamen kórshiles birneshe el – Belgiia, Niderlandy jáne Frantsiiada da indet juqtyrýdyń ósimi baiqalýda. Merkel Germaniia úkimetiniń EO-nyń basqa elderimen zardaptardy jumsartý boiynsha sharalar qoldanatynyn atap ótti.
