گفر كانتسلەرٸ انگەلا مەركەل ەلدە كوروناۆيرۋس ينفەكتسيياسىنىڭ ٶسٸمٸن توقتاتۋ ٷشٸن تيٸستٸ شارالاردى ودان ەرٸ قولدانۋ ماقساتىندا گەرمانييانىڭ بارلىق 16 فەدەرالدىق جەرٸنٸڭ باسشىلارىمەن كەزدەستٸ, دەپ حابارلايدى "ۇلت اقپارات".
كەزدەسۋ بٷكٸل گەرمانييا بويىنشا COVID-19 جۇقتىرۋ وقيعالارىنىڭ ٶسٸمٸنە بايلانىستى ٶتكٸزٸلگەن. سوڭعى تەۋلٸكتە گفر دەنساۋلىق ساقتاۋ ورگاندارى كوروناۆيرۋسقا شالدىعۋدىڭ 2000-نان استام جاڭا وقيعاسىن تٸركەگەن.
كانتسلەر مەركەل گەرمانييادا اۋرۋ جۇقتىرۋدىڭ مۇنداي قارقىنىمەن جىلدىڭ سوڭىنا قاراي كٶرسەتكٸش كٷنٸنە 19 مىڭنان استام وقيعاعا دەيٸن جەتە الاتىنىن ەسكەرتتٸ.
ونىڭ ايتۋىنشا, جاڭا شارالاردىڭ ماقساتى – بيلٸكتٸڭ قاۋٸپتٸ ينفەكتسييا ٶسٸمٸنٸڭ الدىن الىپ, ۇلتتىق وقشاۋلاۋدى بولدىرماۋ.
«بٸز ايماقتىق دەڭگەيدە, ناقتى ەرٸ ماقساتتى تٷردە ەرەكەت ەتكٸمٸز كەلەدٸ, ەلٸمٸزدە تاعى دا شەكتەۋ ەنگٸزٸلگەنٸن قالامايمىز – وعان جول بەرٸلمەۋٸ تيٸس», - دەپ مەلٸمدەدٸ مەركەل باسپاسٶز كونفەرەنتسيياسىندا.
ۇلتتىق دەڭگەيدەگٸ كەڭەس قاتىسۋشىلارى ٸندەتتٸ جۇقتىرۋ قاۋپٸ جوعارى اۋدانداردا كٶڭٸل كٶتەرۋ كەشتەرٸن ٶتكٸزۋدٸ شەكتەۋگە كەلٸستٸ. جەتٸ كٷن ٸشٸندە 100 000 ادامعا شاققاندا اۋرۋ جۇقتىرۋدىڭ 35 مىڭ وقيعاسى تٸركەلگەن اۋدانداردا جەكەمەنشٸك كٶڭٸل كٶتەرۋ كەشتەرٸنٸڭ سانى 25 ادامعا دەيٸن, ال قوعامدىق ورىندارداعى جينالىس سانى ەندٸ 50-گە دەيٸن شەكتەلگەن.
بٷكٸل گەرمانييا بويىنشا ٷيلەنۋ تويلارى, كٶڭٸل كٶتەرۋ كەشتەرٸ مەن باسقا دا جەكە ۇيىمداستىرىلعان شارالار COVID-19 جۇقتىرۋ وقيعالارىنىڭ ٶسٸمٸنە ەكەلەتٸن وشاقتار بولىپ سانالادى. وسىلايشا, ەلدە حالىق ەڭ تىعىز ورنالاسقان سولتٷستٸك رەين-ۆەستفاليياداعى حامم قالاسىندا ٶتكەن ٷيلەنۋ تويىندا 100-دەن استام ادام, سونىڭ ٸشٸندە 40 بالا ٸندەت جۇقتىردى.
«بٸز كٶپ نەرسەنٸ ٷيرەنٸپ, جازدىڭ ٸشٸندە كۆي-عا قارسى كٷرەس جٷرگٸزۋدٸ ٷيرەندٸك», - دەپ اتاپ ٶتتٸ مەركەل. الايدا ول كٷز بەن قىس الدىندا اۋرۋ جۇقتىرۋ سانىنىڭ ٶسٸمٸ الاڭداۋشىلىق تۋدىرتىپ وتىرعانىن بٸلدٸردٸ.
ولاي بولعانىمەن, گفر بيلٸگٸ ەكونوميكانىڭ قىزمەتٸن, بالاباقشالار مەن مەكتەپتەردٸڭ جۇمىسىن توقتاتپاۋىن ەل ٷكٸمەتٸنٸڭ باستى باسىمدىعى رەتٸندە سانايدى.
بۇدان باسقا, 16 فەدەرالدىق جەردٸڭ بارلىعىندا ەندٸ ينفەكتسييانىڭ تارالۋىنا جول بەرمەۋ ٷشٸن مەيرامحانالار مەن بارلاردا الكوگول ٶنٸمدەرٸن ساتۋعا تىيىم سالىنادى.
كانتسلەر مەركەل مەن گفر جەرلەرٸنٸڭ ٷكٸمەت باسشىلارى ازاماتتاردى وسى كٷزدە قاۋٸپتٸ ايماقتارعا ساپار جاساماۋعا شاقىردى.
گەرمانييامەن كٶرشٸلەس بٸرنەشە ەل – بەلگييا, نيدەرلاندى جەنە فرانتسييادا دا ٸندەت جۇقتىرۋدىڭ ٶسٸمٸ بايقالۋدا. مەركەل گەرمانييا ٷكٸمەتٸنٸڭ ەو-نىڭ باسقا ەلدەرٸمەن زارداپتاردى جۇمسارتۋ بويىنشا شارالار قولداناتىنىن اتاپ ٶتتٸ.
