5 qańtarda Germaniia federaldy jerler men Úkimeti ókilderiniń kezdesýinen keiin pandemiiaǵa bailanysty shekteýge qatysty sheshim qabyldandy, dep habarlaidy dw.com.
Elde bir apta ishinde 100 myń adamǵa shaqqanda 200-den astam infektsiia juqtyrý anyqtalǵan aýdandarda shekteý kúsheitiletin boldy. Bul týraly Germaniia kantsleri Angela Merkel federaldy jerlerdiń premer-ministrlerimen birlesken otyrys sońynda málimdedi.
Onyń aitýynsha, árbir 100 myń adamǵa shaqqandaǵy aýrýǵa shaldyǵý jaǵdaiynyń sanyn 50-ge deiin azaitý mindeti tur. Bul koronavirýstyń jańa mýtatsiiasynyń taralýy jaǵdaiynda óte mańyzdy.
10 qańtarǵa deiin kúshine engen shekteýler bólshek saýda jelisi men meiramhana úshin úsh apta 31 qańtarǵa deiin uzartyldy.
Balabaqsha men mektepter 31 qańtarǵa deiin jabyq bolady. Qajet bolǵan jaǵdaida balalarǵa kútim jasaýda shuǵyl kómek kórsetilýi múmkin, sabaq burynǵydai qashyqtan ótkiziledi. Sonymen qatar, ata-analar bala kútimi úshin aqyly demalys alýyna bolady.
Turǵyn koronavirýstyń taralý qaýpi joǵary «qaýipti aimaqtardan» kelgen kezde mindetti túrde test tapsyryp, 10 kúndik karantinge jatqyzý engiziledi.
Eske sala ketsek, 2020 jyldyń 16 jeltoqsanynda Germaniiada qatań lokdaýn engizilgen bolatyn, ol bastapqyda kem degende 2021 jyldyń 10 qańtaryna deiin sozylady dep josparlanǵan.
