5 قاڭتاردا گەرمانييا فەدەرالدى جەرلەر مەن ٷكٸمەتٸ ٶكٸلدەرٸنٸڭ كەزدەسۋٸنەن كەيٸن پاندەميياعا بايلانىستى شەكتەۋگە قاتىستى شەشٸم قابىلداندى, دەپ حابارلايدى dw.com.
ەلدە بٸر اپتا ٸشٸندە 100 مىڭ ادامعا شاققاندا 200-دەن استام ينفەكتسييا جۇقتىرۋ انىقتالعان اۋدانداردا شەكتەۋ كٷشەيتٸلەتٸن بولدى. بۇل تۋرالى گەرمانييا كانتسلەرٸ انگەلا مەركەل فەدەرالدى جەرلەردٸڭ پرەمەر-مينيسترلەرٸمەن بٸرلەسكەن وتىرىس سوڭىندا مەلٸمدەدٸ.
ونىڭ ايتۋىنشا, ەربٸر 100 مىڭ ادامعا شاققانداعى اۋرۋعا شالدىعۋ جاعدايىنىڭ سانىن 50-گە دەيٸن ازايتۋ مٸندەتٸ تۇر. بۇل كوروناۆيرۋستىڭ جاڭا مۋتاتسيياسىنىڭ تارالۋى جاعدايىندا ٶتە ماڭىزدى.
10 قاڭتارعا دەيٸن كٷشٸنە ەنگەن شەكتەۋلەر بٶلشەك ساۋدا جەلٸسٸ مەن مەيرامحانا ٷشٸن ٷش اپتا 31 قاڭتارعا دەيٸن ۇزارتىلدى.
بالاباقشا مەن مەكتەپتەر 31 قاڭتارعا دەيٸن جابىق بولادى. قاجەت بولعان جاعدايدا بالالارعا كٷتٸم جاساۋدا شۇعىل كٶمەك كٶرسەتٸلۋٸ مٷمكٸن, ساباق بۇرىنعىداي قاشىقتان ٶتكٸزٸلەدٸ. سونىمەن قاتار, اتا-انالار بالا كٷتٸمٸ ٷشٸن اقىلى دەمالىس الۋىنا بولادى.
تۇرعىن كوروناۆيرۋستىڭ تارالۋ قاۋپٸ جوعارى «قاۋٸپتٸ ايماقتاردان» كەلگەن كەزدە مٸندەتتٸ تٷردە تەست تاپسىرىپ, 10 كٷندٸك كارانتينگە جاتقىزۋ ەنگٸزٸلەدٸ.
ەسكە سالا كەتسەك, 2020 جىلدىڭ 16 جەلتوقسانىندا گەرمانييادا قاتاڭ لوكداۋن ەنگٸزٸلگەن بولاتىن, ول باستاپقىدا كەم دەگەندە 2021 جىلدىڭ 10 قاڭتارىنا دەيٸن سوزىلادى دەپ جوسپارلانعان.
