Germaniia pandemiianyń úshinshi tolqynyn bastan ótkizip jatqanyn rastap, eldegi karantin sharalaryn qatańdatýǵa týra keletinin rastady, dep habarlaidy VVS agenttigi.
Eýropa elderi Covid-19 pandemiiasynyń úshinshi tolqyny kezeńinen ótýde. Germaniia kantsleri Angela eger jaǵdai kúrdelense karantin sharalaryn qaita engizýge týra keletinin aitty.
Britandyq Astro-Zenika vaktsinasynyń qaýipsizdigine alǵashqylardyń biri bolyp kúmán keltirgen Germaniianyń Densaýlyq saqtaý ministri Iens Shpan Eýroodaqta aýrý juqtyrýdyń jańa oqiǵalarynyń sanyn aitarlyqtai azaitý úshin vaktsina dozalary jetkiliksiz ekenin moiyndady.
«Jaǵdaidy ádil baǵalaýymyz kerek. Eýropada pandemiianyń úshinshi tolqynyn tek vaktsinalaý baǵdarlamasyna súiene otyryp toqtatý úshin vaktsinanyń qajetti sany jetkiliaksiz. Aýrýǵa shaldyqqandar sany ósip keledi, mýtatsiialaý (aýrýdyń budan da juqpaly formalary) sany kóp, bizdi alda qiyn aptalar kútip otyr», - dedi ol.
El úkimeti aldaǵy Pasha demalystaryna qatysty alańdaýshylyq bildirip otyr. Bilik azamattardy demalysta saparǵa shyǵýdan bas tartyp, merekeni tek otbasymen birge qarsy alýǵa shaqyrdy.
Qazirgi kezde Germaniia azamattarynyń 8 paiyzy ǵana vaktsinanyń birinshi dozasyn saldyrtqan, al Britaniiada bolsa ekpe saldyrtqandardyń úlesi – 39 paiyz.
Dúisenbi kúni Merkel jańa, budan da qatań karantin sharalaryn engizý úshin federaldyq óńir basshylarymen kezdesedi.
