گەرمانييا پاندەمييانىڭ ٷشٸنشٸ تولقىنىن باستان ٶتكٸزٸپ جاتقانىن راستاپ, ەلدەگٸ كارانتين شارالارىن قاتاڭداتۋعا تۋرا كەلەتٸنٸن راستادى, دەپ حابارلايدى ۆۆس اگەنتتٸگٸ.
ەۋروپا ەلدەرٸ Covid-19 پاندەميياسىنىڭ ٷشٸنشٸ تولقىنى كەزەڭٸنەن ٶتۋدە. گەرمانييا كانتسلەرٸ انگەلا ەگەر جاعداي كٷردەلەنسە كارانتين شارالارىن قايتا ەنگٸزۋگە تۋرا كەلەتٸنٸن ايتتى.
بريتاندىق Astro-Zenika ۆاكتسيناسىنىڭ قاۋٸپسٸزدٸگٸنە العاشقىلاردىڭ بٸرٸ بولىپ كٷمەن كەلتٸرگەن گەرمانييانىڭ دەنساۋلىق ساقتاۋ مينيسترٸ يەنس شپان ەۋرووداقتا اۋرۋ جۇقتىرۋدىڭ جاڭا وقيعالارىنىڭ سانىن ايتارلىقتاي ازايتۋ ٷشٸن ۆاكتسينا دوزالارى جەتكٸلٸكسٸز ەكەنٸن مويىندادى.
«جاعدايدى ەدٸل باعالاۋىمىز كەرەك. ەۋروپادا پاندەمييانىڭ ٷشٸنشٸ تولقىنىن تەك ۆاكتسينالاۋ باعدارلاماسىنا سٷيەنە وتىرىپ توقتاتۋ ٷشٸن ۆاكتسينانىڭ قاجەتتٸ سانى جەتكٸلٸاكسٸز. اۋرۋعا شالدىققاندار سانى ٶسٸپ كەلەدٸ, مۋتاتسييالاۋ (اۋرۋدىڭ بۇدان دا جۇقپالى فورمالارى) سانى كٶپ, بٸزدٸ الدا قيىن اپتالار كٷتٸپ وتىر», - دەدٸ ول.
ەل ٷكٸمەتٸ الداعى پاسحا دەمالىستارىنا قاتىستى الاڭداۋشىلىق بٸلدٸرٸپ وتىر. بيلٸك ازاماتتاردى دەمالىستا ساپارعا شىعۋدان باس تارتىپ, مەرەكەنٸ تەك وتباسىمەن بٸرگە قارسى الۋعا شاقىردى.
قازٸرگٸ كەزدە گەرمانييا ازاماتتارىنىڭ 8 پايىزى عانا ۆاكتسينانىڭ بٸرٸنشٸ دوزاسىن سالدىرتقان, ال بريتانييادا بولسا ەكپە سالدىرتقانداردىڭ ٷلەسٸ – 39 پايىز.
دٷيسەنبٸ كٷنٸ مەركەل جاڭا, بۇدان دا قاتاڭ كارانتين شارالارىن ەنگٸزۋ ٷشٸن فەدەرالدىق ٶڭٸر باسشىلارىمەن كەزدەسەدٸ.
