Germaniia kantsleri Angela Merkel elde karantin rejimi jeńildetiletinin málim etti, dep habarlaidy "Ult aqparat".
«Germaniia kantsleri Angela Merkel federaldy aimaqtar basshylarymen kezdesýde koronavirýs infektsiiasynyń pandemiiasyna bailanysty engizilgen karantindik shekteý sharalaryn birtindep jeńildetý kerek ekenin aitty. Osy jyldyń 20 sáýirinen bastap áleýmettik qashyqtyqtyń barlyq sharalaryn saqtai otyryp, aýdany 800 sharshy metrge deiingi dúkender jumys istei bastaidy. Sonymen qatar kitap dúkenderi, avtodillerler men velosiped satatyn dúkender jumysyn qaita bastaidy. Eger sáýir aiynyń sońyna deiin epidemiologiialyq jaǵdai turaqtansa, onda 4 mamyrdan bastap shashtarazdar men mektepter ashylady», - delingen Memlekettik komissiianyń shuǵyl shtabynyń Telegram-kanalynda.
Alaida, meiramhanalar, qonaqúiler, fitnes-klýbtar men kinoteatrlar ázirge ashylmaidy. Buqaralyq sharalardy ótkizýge de ruqsat berilmeidi.
Germaniia kantsleri el tolyqqandy qalypty ómirge tek birneshe apta nemese ailardan keiin ǵana qaita orala alatynyn aitty.
