Qazaqstan Respýblikasy Táýelsizdiginiń 30 jyldyǵy aiasynda Germaniia Federativtik Respýblikasynyń astanasy Berlin qalasynda, elimizdiń uly aqyny, aǵartýshy, qazaq jazba ádebietiniń, qazaq ádebi tiliniń negizin qalaýshy Abai Qunanbaiulyna arnalǵan eskertkishtiń resmi ashylý saltanaty ótti.
Eskertkishtiń ashylý rásimine Mádeniet jáne sport ministri Aqtoty Raiymqulova men Qazaqstan Respýblikasynyń Germaniiadaǵy Tótenshe jáne Ókiletti Elshisi Dáýren Káripov qatysty, dep habarlaidy "Ult aqparat" Mádeniet jáne sport ministrliginiń baspasóz qyzmetine silteme jasap.
Aqtoty Raiymqulova Germaniia halqy men Úkimetine elimizdiń Abaiǵa eskertkish ornatý jónindegi usynysyn qoldap, demeý kórsetkeni úshin alǵys bildirdi.
«Byltyr biz álemdik deńgeidegi oishyl, uly aqyn, qazaq jazba ádebietiniń negizin qalaýshylardyń biri – Abai Qunanbaiulynyń 175 jyldyq mereitoiyn atap óttik. Mereitoi aiasynda Singapýrda, Bolgariiada, Majarstanda, Birikken Arab Ámirlikterinde, Pákstanda, Efiopiiada, Chehiiada Abai ortalyǵy oqyrmanǵa esigin aiqara ashty. Sonymen qatar Majarstan, Ońtústik Koreia Respýblikasy, Frantsiia, Túrkiia, Ózbekstan, Mysyr, Resei Federatsiiasy jáne basqa elderde Abai eskertkishi ashyldy.
Abai shyǵarmashylyǵy qazaq halqy men ózge ulttar mádenieti arasyndaǵy dáneker. Abai qazaq halqynyń ǵana tulǵasy emes. Onyń jalpy adami qundylyqtardy nasihattaityn shyǵarmashylyǵy adamzatqa ortaq, ári álemdik ádebiettiń ajyramas bóligine ainaldy.
Abai Qunanbaiuly men Germaniia halqynyń uly aqyny Gete poeziiasy arasynda tańǵalarlyq úndestikti baiqamaý múmkin emes. Abai aýdarmasynyń arqasynda biz Iogann Geteniń birshama týyndysymen etene tanystyq. Sonyń biri, ári biregeii hakim ana tilimizde sóiletken «Qarańǵy túnde taý qalǵyp» óleńi. Osylaisha, Abai eki halyqtyń ádebieti men mádenietin bailanystyrýshy berik kópirge ainaldy. Abai men Gete sekildi adamzattyń asyl uldaryn ardaqtaý, olardyń murasyn, esimin asqaqtatý – Siz ben bizdiń paryzymyz. Búgin mazmundy meimandostyq dástúrde ótip jatqan is-shara joǵaryda aityp ótken rýhani bailanysty nyǵaita bererine senimim mol»,-dedi Mádeniet jáne sport ministri.
Aita keteiik, Abai Qunanbaiuly músininiń avtory - «Álem halyqtarynyń óneri» Halyqaralyq Assotsiatsiiasynyń laýreaty Bolat Mekebaev.
