قازاقستان رەسپۋبليكاسى تەۋەلسٸزدٸگٸنٸڭ 30 جىلدىعى اياسىندا گەرمانييا فەدەراتيۆتٸك رەسپۋبليكاسىنىڭ استاناسى بەرلين قالاسىندا, ەلٸمٸزدٸڭ ۇلى اقىنى, اعارتۋشى, قازاق جازبا ەدەبيەتٸنٸڭ, قازاق ەدەبي تٸلٸنٸڭ نەگٸزٸن قالاۋشى اباي قۇنانبايۇلىنا ارنالعان ەسكەرتكٸشتٸڭ رەسمي اشىلۋ سالتاناتى ٶتتٸ.
ەسكەرتكٸشتٸڭ اشىلۋ رەسٸمٸنە مەدەنيەت جەنە سپورت مينيسترٸ اقتوتى رايىمقۇلوۆا مەن قازاقستان رەسپۋبليكاسىنىڭ گەرمانيياداعى تٶتەنشە جەنە ٶكٸلەتتٸ ەلشٸسٸ دەۋرەن كەرٸپوۆ قاتىستى, دەپ حابارلايدى "ۇلت اقپارات" مەدەنيەت جەنە سپورت مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
اقتوتى رايىمقۇلوۆا گەرمانييا حالقى مەن ٷكٸمەتٸنە ەلٸمٸزدٸڭ ابايعا ەسكەرتكٸش ورناتۋ جٶنٸندەگٸ ۇسىنىسىن قولداپ, دەمەۋ كٶرسەتكەنٸ ٷشٸن العىس بٸلدٸردٸ.
«بىلتىر بٸز ەلەمدٸك دەڭگەيدەگٸ ويشىل, ۇلى اقىن, قازاق جازبا ەدەبيەتٸنٸڭ نەگٸزٸن قالاۋشىلاردىڭ بٸرٸ – اباي قۇنانبايۇلىنىڭ 175 جىلدىق مەرەيتويىن اتاپ ٶتتٸك. مەرەيتوي اياسىندا سينگاپۋردا, بولگارييادا, ماجارستاندا, بٸرٸككەن اراب ەمٸرلٸكتەرٸندە, پەكستاندا, ەفيوپييادا, چەحييادا اباي ورتالىعى وقىرمانعا ەسٸگٸن ايقارا اشتى. سونىمەن قاتار ماجارستان, وڭتٷستٸك كورەيا رەسپۋبليكاسى, فرانتسييا, تٷركييا, ٶزبەكستان, مىسىر, رەسەي فەدەراتسيياسى جەنە باسقا ەلدەردە اباي ەسكەرتكٸشٸ اشىلدى.
اباي شىعارماشىلىعى قازاق حالقى مەن ٶزگە ۇلتتار مەدەنيەتٸ اراسىنداعى دەنەكەر. اباي قازاق حالقىنىڭ عانا تۇلعاسى ەمەس. ونىڭ جالپى ادامي قۇندىلىقتاردى ناسيحاتتايتىن شىعارماشىلىعى ادامزاتقا ورتاق, ەرٸ ەلەمدٸك ەدەبيەتتٸڭ اجىراماس بٶلٸگٸنە اينالدى.
اباي قۇنانبايۇلى مەن گەرمانييا حالقىنىڭ ۇلى اقىنى گەتە پوەزيياسى اراسىندا تاڭعالارلىق ٷندەستٸكتٸ بايقاماۋ مٷمكٸن ەمەس. اباي اۋدارماسىنىڭ ارقاسىندا بٸز يوگانن گەتەنٸڭ بٸرشاما تۋىندىسىمەن ەتەنە تانىستىق. سونىڭ بٸرٸ, ەرٸ بٸرەگەيٸ حاكٸم انا تٸلٸمٸزدە سٶيلەتكەن «قاراڭعى تٷندە تاۋ قالعىپ» ٶلەڭٸ. وسىلايشا, اباي ەكٸ حالىقتىڭ ەدەبيەتٸ مەن مەدەنيەتٸن بايلانىستىرۋشى بەرٸك كٶپٸرگە اينالدى. اباي مەن گەتە سەكٸلدٸ ادامزاتتىڭ اسىل ۇلدارىن ارداقتاۋ, ولاردىڭ مۇراسىن, ەسٸمٸن اسقاقتاتۋ – سٸز بەن بٸزدٸڭ پارىزىمىز. بٷگٸن مازمۇندى مەيماندوستىق دەستٷردە ٶتٸپ جاتقان ٸس-شارا جوعارىدا ايتىپ ٶتكەن رۋحاني بايلانىستى نىعايتا بەرەرٸنە سەنٸمٸم مول»,-دەدٸ مەدەنيەت جەنە سپورت مينيسترٸ.
ايتا كەتەيٸك, اباي قۇنانبايۇلى مٷسٸنٸنٸڭ اۆتورى - «ەلەم حالىقتارىنىڭ ٶنەرٸ» حالىقارالىق اسسوتسياتسيياسىنىڭ لاۋرەاتى بولات مەكەباەۆ.
