Germaniianyń Federaldy jelilik agenttiginiń basshysy Klaýs Miýller el osy qysta eki jarym ai boiy reseilik gazsyz ómir súrýi múmkin ekenin aitty, dep habarlaidy QazAqparat Deutsche Welle-ge silteme jasap.
Energetika ministrligi ókiliniń aitýynsha, Germaniiadaǵy gaz jaǵdaiy turaqty. Biraq tutynýshylar úshin onyń baǵasy úsh ese ósedi dep boljanýda.
Germaniia beisenbide tótenshe gaz josparynyń ekinshi kezeńine ótti, bul gaz tasymaldaýshylardyń joǵary shyǵyndardy tutynýshylarǵa aýdarýyna múmkindik beredi. Biraq tek nemis energetikalyq agenttiginiń resmi maquldaýymen ǵana bolady.
K. Miýller eger Germaniia jospardyń úshinshi kezeńine ense, bul eldiń gaz ónerkásibi úshin túbegeili saldarǵa ákeletinin atap ótti. Bul kezeńde Federaldy jeli agenttigi gazdy energetikalyq kompaniialarǵa qaraǵanda jeke úi sharýashylyqtarynyń paidasyna taratady.
Germaniia jáne EO-ǵa múshe basqa memleketter Resei munaiyna embargo engizgenimen, Berlin Resei gazyn importtaýǵa tyiym salýdan bas tartty.
Óziniń energetikalyq strategiiasyn reseilik kózderden ártaraptandyrý úshin Germaniia jaqynda Qatarmen gaz seriktestigine qol qoidy. GFR, sonymen qatar ekologiialyq máselelerge qaramastan ózin-ózi qamtamasyz etý úshin kómirmen jumys isteitin elektr stantsiialaryn iske qosýda.
