Nemis ekonomikasy birinshi toqsan qorytyndysy boiynsha quldyrap ketti. Kelesi toqsanda jaǵdai budan beter ýshyǵa túsýi múmkin, dep habarlaidy Deutsche Welle resýrsy.
Germaniianyń federaldy statistika basqarmasy eldiń ishki jalpy ónimi birinshi toqsanda ótken toqsanmen salystyrǵanda 2,2% azaiǵanyn rastady.
Mundai jaǵdai 2008 jylǵy qarjy daǵdarysynan beri alǵash ret bolyp otyr. Bul eń aldymen tutynýshy shyǵyndarynyń - 3,2%, kompaniialardyń kásiporyndar men jabdyqtarǵa salynǵan investitsiiasynyń - 6,9%, eksporttyń – 3,1%, importtyń – 1,6% deiin tómendeýine bailanysty bolyp otyr.
Germaniia úkimeti Ekinshi Dúniejúzi soǵysynan bergi eń kúrdeli ekonomikalyq quldyraýdy kútip otyr. Biyl ishki jalpy ónim 6,3% deiin qysqarady degen boljam bar.
Aita keteiik, Germaniia ekonomikasy bárinen buryn ónerkásip eksportyna táýeldi. Bul sala koronavirýs pandemiiasyna deiin-aq Ulybritaniianyń Eýropa odaǵynan shyǵýy men AQSh pen Qytai arasyndaǵy saýda egesi tusynda turaqsyzdyqqa ushyrap, biraz zardap shekken.
Ónerkásip tapsyrystary aqpan men naýryz aralyǵynda 9% deiin azaidy. Bul - 1991 jyldan bergi eń tómen kórsetkish.
