نەمٸس ەكونوميكاسى بٸرٸنشٸ توقسان قورىتىندىسى بويىنشا قۇلدىراپ كەتتٸ. كەلەسٸ توقساندا جاعداي بۇدان بەتەر ۋشىعا تٷسۋٸ مٷمكٸن, دەپ حابارلايدى Deutsche Welle رەسۋرسى.
گەرمانييانىڭ فەدەرالدى ستاتيستيكا باسقارماسى ەلدٸڭ ٸشكٸ جالپى ٶنٸمٸ بٸرٸنشٸ توقساندا ٶتكەن توقسانمەن سالىستىرعاندا 2,2% ازايعانىن راستادى.
مۇنداي جاعداي 2008 جىلعى قارجى داعدارىسىنان بەرٸ العاش رەت بولىپ وتىر. بۇل ەڭ الدىمەن تۇتىنۋشى شىعىندارىنىڭ - 3,2%, كومپانييالاردىڭ كەسٸپورىندار مەن جابدىقتارعا سالىنعان ينۆەستيتسيياسىنىڭ - 6,9%, ەكسپورتتىڭ – 3,1%, يمپورتتىڭ – 1,6% دەيٸن تٶمەندەۋٸنە بايلانىستى بولىپ وتىر.
گەرمانييا ٷكٸمەتٸ ەكٸنشٸ دٷنيەجٷزٸ سوعىسىنان بەرگٸ ەڭ كٷردەلٸ ەكونوميكالىق قۇلدىراۋدى كٷتٸپ وتىر. بيىل ٸشكٸ جالپى ٶنٸم 6,3% دەيٸن قىسقارادى دەگەن بولجام بار.
ايتا كەتەيٸك, گەرمانييا ەكونوميكاسى بەرٸنەن بۇرىن ٶنەركەسٸپ ەكسپورتىنا تەۋەلدٸ. بۇل سالا كوروناۆيرۋس پاندەميياسىنا دەيٸن-اق ۇلىبريتانييانىڭ ەۋروپا وداعىنان شىعۋى مەن اقش پەن قىتاي اراسىنداعى ساۋدا ەگەسٸ تۇسىندا تۇراقسىزدىققا ۇشىراپ, بٸراز زارداپ شەككەن.
ٶنەركەسٸپ تاپسىرىستارى اقپان مەن ناۋرىز ارالىعىندا 9% دەيٸن ازايدى. بۇل - 1991 جىلدان بەرگٸ ەڭ تٶمەن كٶرسەتكٸش.
