Germaniia biznesmenderi Reseidegi kásiporyndaryn Qazaqstanǵa kóshirýge nietti. Bul týraly German ekonomikasy shyǵys komitetiniń basqarýshy direktory Mihael Harms aitty, dep habarlaidy QazAqparat.
«Qazirdiń ózinde Reseiden Qazaqstanǵa, Ortalyq Aziiaǵa baǵdar jasap otyrǵan kompaniialar jaiynda estip jatyrmyz. German kompaniialarynyń Reseiden Qazaqstanǵa qonys aýdarýdy josparlap otyrǵanyn da bilemiz. Keibireýlerdiń Reseide seriktesteri boldy jáne endi olar Qazaqstannyń múmkindikterin qoldanǵylary, Qazaqstan naryǵynda seriktes tapqylary keledi. Iaǵni, german biznesiniń Qazaqstan jaily oiy ózgerip jatyr jáne qazaqstandyq naryqqa nazary arta túsken», - dedi ol elordada ótken Qazaqstan-german biznes forýmynda.
Osy rette ol Qazaqstannyń áleýeti zor ekendigin, ony german biznesi de moiyndaityndyǵyn basa aitty.
«Taiaý ýaqytta úlken ózgerister bolatyndyǵyn kórip otyrmyz. Men german biznesin bizge qosylýǵa shaqyramyn. Kóptegen kompaniia qazirdiń ózinde bizge júginip jatyr. Bul Qazaqstanda jumys isteý múmkindigin qarastyryp otyrǵan barlyq german kompaniiasy úshin jaqsy belgi», - dedi Mihael Harms.
