Germaniia saqtyq maqsatynda koronavirýsqa qarsy AstraZenesa vaktsinasyn egýdi toqtatty. Bul týraly Germaniia densaýlyq saqtaý ministrligine súiengen Welt telearnasy habarlady.
Paýl Erlih atyndaǵy institýt mamandarynyń rekomendatsiiasyna súiengen Germaniia úkimeti osyndai sheshim qabyldaǵan.
Elde trombozǵa shaldyqqan jeti adamǵa AstraZeneca vaktsinasy salynǵannan keiin úsheýi qaitys bolǵan. Vaktsinanyń adam ólimine tikelei qatysy bar ma, joq pa, ony saraptama anyqtaidy.
"Jańa zertteýler men jańa aqparattarǵa bailanysty jaǵdai ózgerdi. Meniń oiymsha, azamattar biz usynyp otyrǵan vaktsinanyń qaýipsiz ári tiimdi ekenine kóz jetkizgisi keledi" dedi institýttyń prezidenti Klaýs Tsihýtek 15 naýryzda ARD telernasyna.
Onyń sózine qaraǵanda, AstraZeneca vaktsinasyn ekkenine 16 kún tolǵan azamattar ol jaiynda alańdamai-aq qoisa da bolady. Al vaktsina jańadan egilip, basy aýyrǵan nemese denesi qansyraǵan adamdardyń dárigerge jolyqqany durys.
Germaniiadan bólek, taǵy birqatar elder AstraZeneca vaktsinasyn paidalanýdy toqtatqan. Olar "vaktsina egilgen keibir azamattardyń qan ainalymynyń nasharlaǵany" siiaqty aqparattarǵa alańdap otyr.
Endi Eýropanyń dári-dármek jónindegi agenttigi "jańa zertteýdiń nátijesine súiene otyryp, preparattyń naryqqa ený-enbeýi máselesin sheshedi" dep habarlady telarna.
