گەرمانييا ساقتىق ماقساتىندا كوروناۆيرۋسقا قارسى AstraZeneسa ۆاكتسيناسىن ەگۋدٸ توقتاتتى. بۇل تۋرالى گەرمانييا دەنساۋلىق ساقتاۋ مينيسترلٸگٸنە سٷيەنگەن Welt تەلەارناسى حابارلادى.
پاۋل ەرليح اتىنداعى ينستيتۋت ماماندارىنىڭ رەكومەنداتسيياسىنا سٷيەنگەن گەرمانييا ٷكٸمەتٸ وسىنداي شەشٸم قابىلداعان.
ەلدە ترومبوزعا شالدىققان جەتٸ ادامعا AstraZeneca ۆاكتسيناسى سالىنعاننان كەيٸن ٷشەۋٸ قايتىس بولعان. ۆاكتسينانىڭ ادام ٶلٸمٸنە تٸكەلەي قاتىسى بار ما, جوق پا, ونى ساراپتاما انىقتايدى.
"جاڭا زەرتتەۋلەر مەن جاڭا اقپاراتتارعا بايلانىستى جاعداي ٶزگەردٸ. مەنٸڭ ويىمشا, ازاماتتار بٸز ۇسىنىپ وتىرعان ۆاكتسينانىڭ قاۋٸپسٸز ەرٸ تيٸمدٸ ەكەنٸنە كٶز جەتكٸزگٸسٸ كەلەدٸ" دەدٸ ينستيتۋتتىڭ پرەزيدەنتٸ كلاۋس تسيحۋتەك 15 ناۋرىزدا ARD تەلەرناسىنا.
ونىڭ سٶزٸنە قاراعاندا, AstraZeneca ۆاكتسيناسىن ەككەنٸنە 16 كٷن تولعان ازاماتتار ول جايىندا الاڭداماي-اق قويسا دا بولادى. ال ۆاكتسينا جاڭادان ەگٸلٸپ, باسى اۋىرعان نەمەسە دەنەسٸ قانسىراعان ادامداردىڭ دەرٸگەرگە جولىققانى دۇرىس.
گەرمانييادان بٶلەك, تاعى بٸرقاتار ەلدەر AstraZeneca ۆاكتسيناسىن پايدالانۋدى توقتاتقان. ولار "ۆاكتسينا ەگٸلگەن كەيبٸر ازاماتتاردىڭ قان اينالىمىنىڭ ناشارلاعانى" سيياقتى اقپاراتتارعا الاڭداپ وتىر.
ەندٸ ەۋروپانىڭ دەرٸ-دەرمەك جٶنٸندەگٸ اگەنتتٸگٸ "جاڭا زەرتتەۋدٸڭ نەتيجەسٸنە سٷيەنە وتىرىپ, پرەپاراتتىڭ نارىققا ەنۋ-ەنبەۋٸ مەسەلەسٸن شەشەدٸ" دەپ حابارلادى تەلارنا.
