Qazaqstandyq boksshy Gennadii Golovkin óziniń basty qarsylasy kim ekenin, 5 qazan kúni ótetin ýkrainalyq Sergei Derevianchenkomen jekpe-jekten ne kútetinin aityp berdi, dep habarlaidy "Ult aqparat" Sports.kz silteme jasap.
«Men eshkimnen úlgi almaýǵa tyrysamyn. Ádeii. Men óz jasymda qolymnan kelse, sonyń bárin jasap, tynymsyz eńbektenip jatyrmyn. Endi meniń jankúierlerim men sarapshylar qanshalyqty ter tógip, qansha kúsh-jiger jumsaǵanymdy baǵalai alady. Meniń basty qarsylasym belgili bir adam emes. Meniń basty qarsylasym – ol meniń qazirgi jasym men motivatsiiam. Men aldaǵy jekpe-jektiń bolatynyna qýanyshtymyn. Maǵan Niý-Iorktegi boks atmosferasy unaidy», - dep keltiredi sportshynyń sózin Boxinginsider.com.
Eske sala keteiik, Golovkin - Derevianchenko aiqasy besinshi qazan kúni Niý-Iorktegi «Medison Skver Garden» arenasynda ótedi. Qos boksshy IBF jáne IBO chempiony titýldaryn sarapqa salady.
