Foto: egov.kz
Qazaqstannyń kásibi bokstaǵy abyroiyn asqaqtatqan Gennadii Golovkin Halyqaralyq boks Dańq zalyna (International Boxing Hall of Fame) resmi túrde engizildi. Bul týraly uiym 2026 jylǵy jańa músheler tizimin jariialaý barysynda habarlady, dep jazady Ult.kz.Golovkin Dańq zalyna alǵash ret usynylǵan jyly-aq qabyldandy. Bul – boks álemindegi eń joǵary moiyndaýlardyń biri jáne sportshynyń mansabyndaǵy tarihi jetistik. Osylaisha GGG atalǵan tizimge engen alǵashqy qazaqstandyq boksshy atandy.
Marapat Golovkinniń kásibi ringtegi erekshe jetistikterine berildi. Ol orta salmaqtaǵy birneshe álem chempiony ataǵynyń iegeri, 20 márte qatarynan titýl qorǵaǵan rekordsmen. Kásibi mansabynda 42 jeńis (37 nokaýt), 2 jeńilis jáne 1 teń nátije tirkegen.
Saltanatty engizý rásimi 2026 jyldyń maýsymynda AQSh-tyń Niý-Iork shtaty, Kanastota qalasynda ótedi.
