Qazaqstanda gektaryna 19,1 tsentnerden astyq bastyrylyp jatyr. Bul týraly Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy "Ult aqparat".
«Búgingi kúni Aqtóbe, Almaty, Shyǵys Qazaqstan, Jambyl, Batys Qazaqstan, Qyzylorda jáne Túrkistan oblystarynda dándi daqyldardy jappai jinaý júrgizilip jatyr. Osy jyldyń 10 tamyzyndaǵy jaǵdai boiynsha 929,4 myń gektar nemese egin jinalýy tiis alqaptyń 37,3 paiyzy bastyryldy. Ortasha túsim gektaryna 19,1 tsentnerdi quraidy. Bul ótken jylǵy kórsetkishpen birdei», - dedi ministr.
Onyń dereginshe, búgingi kúnge deiin 1,8 mln tonna dándi daqyl bastyryldy. Ótken jyldyń dál osyndai kezeńinde 1,4 mln tonna astyq jinalǵan bolatyn.
«Sonymen qatar respýblikanyń negizgi egin egýshi óńirleri de jańa egin kólemin jinaýǵa kirisip ketti. Búgingi kúni 93,3 myń gektar jerde egis jinaldy. Soltústik óńirler jappai egin jinaýdy 20 tamyzǵa qarai bastaityn bolady. Nátijesinde 7 aidyń qorytyndysy boiynsha ósimdik sharýashylyǵynda ónim kólemi 2,1 paiyzǵa ulǵaiyp, 242 mlrd teńgeni quraidy», - dedi Saparhan Omarov.
