قازاقستاندا گەكتارىنا 19,1 تسەنتنەردەن استىق باستىرىلىپ جاتىر. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى "ۇلت اقپارات".
«بٷگٸنگٸ كٷنٸ اقتٶبە, الماتى, شىعىس قازاقستان, جامبىل, باتىس قازاقستان, قىزىلوردا جەنە تٷركٸستان وبلىستارىندا دەندٸ داقىلداردى جاپپاي جيناۋ جٷرگٸزٸلٸپ جاتىر. وسى جىلدىڭ 10 تامىزىنداعى جاعداي بويىنشا 929,4 مىڭ گەكتار نەمەسە ەگٸن جينالۋى تيٸس القاپتىڭ 37,3 پايىزى باستىرىلدى. ورتاشا تٷسٸم گەكتارىنا 19,1 تسەنتنەردٸ قۇرايدى. بۇل ٶتكەن جىلعى كٶرسەتكٸشپەن بٸردەي», - دەدٸ مينيستر.
ونىڭ دەرەگٸنشە, بٷگٸنگٸ كٷنگە دەيٸن 1,8 ملن توننا دەندٸ داقىل باستىرىلدى. ٶتكەن جىلدىڭ دەل وسىنداي كەزەڭٸندە 1,4 ملن توننا استىق جينالعان بولاتىن.
«سونىمەن قاتار رەسپۋبليكانىڭ نەگٸزگٸ ەگٸن ەگۋشٸ ٶڭٸرلەرٸ دە جاڭا ەگٸن كٶلەمٸن جيناۋعا كٸرٸسٸپ كەتتٸ. بٷگٸنگٸ كٷنٸ 93,3 مىڭ گەكتار جەردە ەگٸس جينالدى. سولتٷستٸك ٶڭٸرلەر جاپپاي ەگٸن جيناۋدى 20 تامىزعا قاراي باستايتىن بولادى. نەتيجەسٸندە 7 ايدىڭ قورىتىندىسى بويىنشا ٶسٸمدٸك شارۋاشىلىعىندا ٶنٸم كٶلەمٸ 2,1 پايىزعا ۇلعايىپ, 242 ملرد تەڭگەنٸ قۇرايدى», - دەدٸ ساپارحان وماروۆ.
