Foto: kremlin.ru
Resei Prezidenti Vladimir Pýtin «Kazpravda» gazetine bergen suhbatynda Qazaqstan men Resei arasyndaǵy energetika, gaz tasymaldaý týraly aityp berdi, dep habarlaidy Kazinform agenttigi.
«Tabiǵat pen geografiia Resei men Qazaqstanǵa energetika salasynda aitarlyqtai básekeles bola alatyndai artyqshylyq beredi, olardy biz óz azamattarymyzdyń igiligi úshin barynsha paidalanýǵa tyrysamyz. Bizdiń jetekshi «Gazprom», «Rosneft», «Lýkoil», «Tatneft» kompaniialary Qazaqstannan kelgen seriktestermen birge ken oryndaryn igerýde, energiia resýrstaryn óńdeý boiynsha birlesken kásiporyndar salýda. Olar ózara tiimdi yntymaqtastyqty arttyrýdy josparlap otyr. Gaz salasyndaǵy ózara is-qimyldy keń perspektivalar ashady. Bul kóptegen jyldar boiy qalyptasqan Resei men Orta Aziiadaǵy gaz tasymaldaý jáne gaz taratý júieleriniń infraqurylymy men marshrýttarymen, ekijaqty jáne kópjaqty negizde úilestirýdiń joǵary deńgeiimen túsindiriledi», - dedi Vladimir Pýtin suhbat barysynda.
Eske sala ketsek, 7 qazanda Qazaqstan men Ózbekstan prezidentterimen birge Qazaqstan aýmaǵy arqyly Ózbekstanǵa reseilik tabiǵi gazdy jetkizý kelisildi.
«Bul baǵyt qolda bar gaz tasymaldaý jelilerin barynsha tiimdi paidalanýǵa múmkindik beredi, úsh eldiń ǵana emes, búkil Ortalyq Aziia óńiriniń damýyna yqpal etetin bolady. Bolashaqta Túrkimenstannan kelgen áriptesterimizben de keńes ótkizgen jón dep sanaimyz. Olar dástúrli túrde osy naryqqa qatysady. Jáne olardyń mundai ózara árekettesýge qosylýy ortaq múdde. Qazaqstanǵa keletin bolsaq, Resei biyl 18 qańtarda qol qoiylǵan «Gazprom» men Qazaqstan Úkimetiniń gaz salasyndaǵy yntymaqtastyq jónindegi «Jol kartasyna» sáikes onyń soltústik jáne shyǵys aýdandaryn gazdandyrýǵa kómektesýge daiyn. Qazirgi ýaqytta tiisti gaz tasymaldaý infraqurylymyn jóndeýdiń ártúrli nusqalary pysyqtalýda», - deidi Resei Prezidenti.
