Foto: Aqorda
Aqorda Memleket basshysy Qasym-Jomart Toqaevtyń Ulttyq basylym kúnimen quttyqtaýyn jariialady.
— Qadirli baspasóz qyzmetkerleri! Sizderdi Ulttyq basylym kúnimen quttyqtaimyn! Bul mereke — elimizdi órkendetý jáne memlekettigimizdi nyǵaitý jolynda eńbek etip júrgen baspasóz ókilderine degen shynaiy qurmettiń belgisi. Qazaq basylymdary árdaiym halyqtyń úni, tól rýhaniiatymyzdyń berik qorǵany sanalǵan. Biz onyń bai tarihyn, aǵartýshylyq dástúrin maqtan tutamyz. Gazet-jýrnaldarymyz ulttyq sana-sezimdi damytý isinde airyqsha ról atqarady. Ziialy qaýym ókilderi qoǵamdaǵy kókeikesti máselelerge qatysty oi-pikirin, negizinen, merzimdi baspasóz arqyly bildiredi. Elimizde túrli kezeńde jaryq kórgen basylymdar qashanda ult múddesine adal qyzmet etken. Aǵa býynnyń sara jolyn qazirgi kásibi jýrnalister laiyqty jalǵastyryp keledi. Olar shynaiy aqparat taratyp, jalpyulttyq qundylyqtardy keńinen nasihattaýǵa belsene atsalysyp júr. Gazet-jýrnaldarymyz aldaǵy ýaqytta da jasampaz bastamalardy júzege asyrýǵa, ulttyń jańa sapasyn qalyptastyrýǵa jáne el birligin nyǵaitýǵa zor úles qosa beredi dep senemin. Barshańyzǵa shyǵarmashylyq shabyt, baq-bereke tileimin! , — dedi Memleket basshysy.
