فوتو: اقوردا
اقوردا مەملەكەت باسشىسى قاسىم-جومارت توقاەۆتىڭ ۇلتتىق باسىلىم كٷنٸمەن قۇتتىقتاۋىن جارييالادى.
— قادٸرلٸ باسپاسٶز قىزمەتكەرلەرٸ! سٸزدەردٸ ۇلتتىق باسىلىم كٷنٸمەن قۇتتىقتايمىن! بۇل مەرەكە — ەلٸمٸزدٸ ٶركەندەتۋ جەنە مەملەكەتتٸگٸمٸزدٸ نىعايتۋ جولىندا ەڭبەك ەتٸپ جٷرگەن باسپاسٶز ٶكٸلدەرٸنە دەگەن شىنايى قۇرمەتتٸڭ بەلگٸسٸ. قازاق باسىلىمدارى ەردايىم حالىقتىڭ ٷنٸ, تٶل رۋحانيياتىمىزدىڭ بەرٸك قورعانى سانالعان. بٸز ونىڭ باي تاريحىن, اعارتۋشىلىق دەستٷرٸن ماقتان تۇتامىز. گازەت-جۋرنالدارىمىز ۇلتتىق سانا-سەزٸمدٸ دامىتۋ ٸسٸندە ايرىقشا رٶل اتقارادى. زييالى قاۋىم ٶكٸلدەرٸ قوعامداعى كٶكەيكەستٸ مەسەلەلەرگە قاتىستى وي-پٸكٸرٸن, نەگٸزٸنەن, مەرزٸمدٸ باسپاسٶز ارقىلى بٸلدٸرەدٸ. ەلٸمٸزدە تٷرلٸ كەزەڭدە جارىق كٶرگەن باسىلىمدار قاشاندا ۇلت مٷددەسٸنە ادال قىزمەت ەتكەن. اعا بۋىننىڭ سارا جولىن قازٸرگٸ كەسٸبي جۋرناليستەر لايىقتى جالعاستىرىپ كەلەدٸ. ولار شىنايى اقپارات تاراتىپ, جالپىۇلتتىق قۇندىلىقتاردى كەڭٸنەن ناسيحاتتاۋعا بەلسەنە اتسالىسىپ جٷر. گازەت-جۋرنالدارىمىز الداعى ۋاقىتتا دا جاسامپاز باستامالاردى جٷزەگە اسىرۋعا, ۇلتتىڭ جاڭا ساپاسىن قالىپتاستىرۋعا جەنە ەل بٸرلٸگٸن نىعايتۋعا زور ٷلەس قوسا بەرەدٸ دەپ سەنەمٸن. بارشاڭىزعا شىعارماشىلىق شابىت, باق-بەرەكە تٸلەيمٸن! , — دەدٸ مەملەكەت باسشىسى.
