Foto: Akorda.kz
VIII sailanǵan Parlamenttiń birinshi sessiiasynyń ashylýynda sóz sóilegen Prezident Qasym-Jomart Toqaev gaz tarifi máselesine toqtaldy, - dep habarlaidy "Ult aqparat" Aqordanyń baspasóz qyzmetine silteme jasap.
«Byltyr taýar gazynyń tapshylyǵyna tap boldyq. Bul jaǵdai búkil elimizdiń energetikalyq qaýipsizdigine qater tóndire jazdady. Mundai keleńsizdikke jol bermeý úshin naryqty gazben qamtamasyz etý kerek. Qazaqstanda gazdyń baǵasy kórshi memleketterge qaraǵanda áldeqaida arzan. Sheteldegi siiaqty ártúrli tarifterdi bizge de engizý múmkindigin qarastyrǵan jón.
Jalpy, tómen tarifter men tómen baǵalar ekonomikamyzǵa teris yqpal etedi. Bólingen barlyq sýbsidiialar kórshi elderge bosqa ketedi. Qanshalyqty qiyn bolsa da, bul máseleni birtindep sheshý qajet. Basqa jol joq.
Qazirgi ýaqytta záýlim úilerin kúndiz-túni tómen tarifpen jylytatyndar úshin jańa júie boiynsha gazdyń tekshemetri qymbatyraq bolýǵa tiis. Áleýmettik ádildik degenimiz – osy.
Qolda bar shikizatty paidalaný tiimdiligin arttyrý mańyzdy. Kúndelikti turmysta da, memleket deńgeiinde de únemdep úirený kerek. Bul – álemdik tájiribe. Onyń ózektiligi qazirgi kúrdeli geosaiasi ahýal jaǵdaiynda kúsheie tústi.
Óndiriste de, turmysta da gazdy arzan eken dep bei-bereket jaǵa berýge bolmaidy. Muny doǵarý kerek. Úkimet taýar gazynyń energetikalyq tiimdiligin arttyrý jáne ony únemdi paidalaný josparyn ázirleýi qajet» - dedi Memleket basshysy.
