فوتو: Akorda.kz
VIII سايلانعان پارلامەنتتٸڭ بٸرٸنشٸ سەسسيياسىنىڭ اشىلۋىندا سٶز سٶيلەگەن پرەزيدەنت قاسىم-جومارت توقاەۆ گاز تاريفٸ مەسەلەسٸنە توقتالدى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«بىلتىر تاۋار گازىنىڭ تاپشىلىعىنا تاپ بولدىق. بۇل جاعداي بٷكٸل ەلٸمٸزدٸڭ ەنەرگەتيكالىق قاۋٸپسٸزدٸگٸنە قاتەر تٶندٸرە جازدادى. مۇنداي كەلەڭسٸزدٸككە جول بەرمەۋ ٷشٸن نارىقتى گازبەن قامتاماسىز ەتۋ كەرەك. قازاقستاندا گازدىڭ باعاسى كٶرشٸ مەملەكەتتەرگە قاراعاندا ەلدەقايدا ارزان. شەتەلدەگٸ سيياقتى ەرتٷرلٸ تاريفتەردٸ بٸزگە دە ەنگٸزۋ مٷمكٸندٸگٸن قاراستىرعان جٶن.
جالپى, تٶمەن تاريفتەر مەن تٶمەن باعالار ەكونوميكامىزعا تەرٸس ىقپال ەتەدٸ. بٶلٸنگەن بارلىق سۋبسيدييالار كٶرشٸ ەلدەرگە بوسقا كەتەدٸ. قانشالىقتى قيىن بولسا دا, بۇل مەسەلەنٸ بٸرتٸندەپ شەشۋ قاجەت. باسقا جول جوق.
قازٸرگٸ ۋاقىتتا زەۋلٸم ٷيلەرٸن كٷندٸز-تٷنٸ تٶمەن تاريفپەن جىلىتاتىندار ٷشٸن جاڭا جٷيە بويىنشا گازدىڭ تەكشەمەترٸ قىمباتىراق بولۋعا تيٸس. ەلەۋمەتتٸك ەدٸلدٸك دەگەنٸمٸز – وسى.
قولدا بار شيكٸزاتتى پايدالانۋ تيٸمدٸلٸگٸن ارتتىرۋ ماڭىزدى. كٷندەلٸكتٸ تۇرمىستا دا, مەملەكەت دەڭگەيٸندە دە ٷنەمدەپ ٷيرەنۋ كەرەك. بۇل – ەلەمدٸك تەجٸريبە. ونىڭ ٶزەكتٸلٸگٸ قازٸرگٸ كٷردەلٸ گەوساياسي احۋال جاعدايىندا كٷشەيە تٷستٸ.
ٶندٸرٸستە دە, تۇرمىستا دا گازدى ارزان ەكەن دەپ بەي-بەرەكەت جاعا بەرۋگە بولمايدى. مۇنى دوعارۋ كەرەك. ٷكٸمەت تاۋار گازىنىڭ ەنەرگەتيكالىق تيٸمدٸلٸگٸن ارتتىرۋ جەنە ونى ٷنەمدٸ پايدالانۋ جوسپارىن ەزٸرلەۋٸ قاجەت» - دەدٸ مەملەكەت باسشىسى.
