Gaz ballondarynan tolyqtai bas tartý ázir múmkin emes. Bul týraly QR Energetika ministri Nurlan Noǵaev málim etti, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihatynda qai jyldan bastap Qazaqstan gaz ballondaryn paidalanýdan bas tartatyndyǵy suraldy.
«Jarylý qaýpi bar gaz ballondarynan tolyqtai bas tartý múmkin bolmaidy. Sebebi shalǵaida ornalasqan aýyldarda, keibir kásiporyndar áli de osy gazdy paidalanyp keledi. Osy suraq astarynda jaqynda Nur-Sultan qalasyndaǵy qaiǵyly oqiǵa atalyp otyrǵan shyǵar. Bul jaǵdaiǵa bailanysty qaza bolǵan adamnyń jaqyndaryna kóńil aitamyn», - dedi ministr.
Osy oraida Noǵaev gaz jabdyqtaryna qatysty kez kelgen jumys qaýipti ekenin atap ótti.
«Bul baǵyttaǵy jabdyqtar kúrdeli tehnikalyq quraldar bolyp sanalady jáne onda joǵary qysym bolady. Sondyqtan gazdy paidalanýǵa qatysty kez kelgen tehnikalyq jabdyqty iske qosý úlken jaýapkershilikti talap etedi», - dedi ministr.
Eske sala keteiik, 21 qarashada elordada dámhanalardyń birinde gaz ballony jarylyp, 1 adam qaza tapty.
Elorda aýrýhanalarynda 23 adam emdelip jatqany habarlanǵan bolatyn.
