Ǵalymjan Astanaǵa sirek keletin qonaqtardyń biri. Alaida, EL.KZ komandasyna ánshiden 120 sekýnd formatynda suhbat alýdyń sáti tústi. Bul joly Ǵalymjan Moldanazar ózin múlde ózge qyrynan kórsetti. 2 minýtqa ǵana syiǵan «120 sekýndta» ánshi qoǵam uiat sanaityn qubylystar men adam erkindigi, eshkimge aitýǵa bolmaityn syr men ómirdiń máni týrly áńgimeledi.
Osy jobamen EL.KZ portaly jańa internet maýsymyn bastaidy. «120 sekýnd» – bul qoǵamdaǵy tanymal tulǵalarmen qysqa da nusqa suhbat. 120 sekýndta tulǵanyń kásibi qyrlary emes, adami bolmysy ashylady. Keiipkerler ómir, sezim jáne taǵdyr týraly oilaryn ortaǵa salady.
