Foto: Polisia.kz
Semei qalasynda esirtki saýdasynyń iri arnasy áshkerelendi. Jergilikti turǵyn óz garajyn zańsyz esirtki saqtaityn qoimaǵa ainaldyrǵany belgili boldy, dep habarlaidy Polisia.kz.
Ishki ister ministrligi «Zań men Tártip» qaǵidaty aiasynda esirtki jetkizý arnalaryna qarsy kúresti kúsheitip jatyr. Osy baǵyttaǵy keshendi jedel-izdestirý jáne arnaiy is-sharalar nátijesinde mamyr aiynyń basynda ońtústik óńirlerden jetkizilgen kannabis tobyna jatatyn esirtkiniń joly kesildi.
Tintý barysynda 35 jastaǵy semeilik azamattyń garajynan jalpy salmaǵy 154 keli bolatyn asa iri kólemdegi marihýana tabylyp, tárkilendi. Tergeý málimetinshe, esirtki zattary Abai oblysynyń aýmaǵynda taratý úshin arnaiy tsellofan qaptarǵa bólshektelip oralǵan.
Qazirgi tańda atalǵan derek boiynsha Qylmystyq kodekstiń 297-baby 3-bóligine sáikes sotqa deiingi tergep-tekserý amaldary júrgizilýde. Kúdikti ýaqytsha ustaý izoliatoryna qamaldy. Quqyq qorǵaý organdary bul iske qatysy bar ózge tulǵalardy anyqtaý jumystaryn jalǵastyryp jatyr.
IIM ókilderi esirtki jetkizý arnalaryna tosqaýyl qoiý baǵytyndaǵy jumys aldaǵy ýaqytta da júieli túrde jalǵasatynyn málimdedi.
