فوتو: Polisia.kz
سەمەي قالاسىندا ەسٸرتكٸ ساۋداسىنىڭ ٸرٸ ارناسى ەشكەرەلەندٸ. جەرگٸلٸكتٸ تۇرعىن ٶز گاراجىن زاڭسىز ەسٸرتكٸ ساقتايتىن قويماعا اينالدىرعانى بەلگٸلٸ بولدى, دەپ حابارلايدى Polisia.kz.
ٸشكٸ ٸستەر مينيسترلٸگٸ «زاڭ مەن تەرتٸپ» قاعيداتى اياسىندا ەسٸرتكٸ جەتكٸزۋ ارنالارىنا قارسى كٷرەستٸ كٷشەيتٸپ جاتىر. وسى باعىتتاعى كەشەندٸ جەدەل-ٸزدەستٸرۋ جەنە ارنايى ٸس-شارالار نەتيجەسٸندە مامىر ايىنىڭ باسىندا وڭتٷستٸك ٶڭٸرلەردەن جەتكٸزٸلگەن كاننابيس توبىنا جاتاتىن ەسٸرتكٸنٸڭ جولى كەسٸلدٸ.
تٸنتۋ بارىسىندا 35 جاستاعى سەمەيلٸك ازاماتتىڭ گاراجىنان جالپى سالماعى 154 كەلٸ بولاتىن اسا ٸرٸ كٶلەمدەگٸ ماريحۋانا تابىلىپ, تەركٸلەندٸ. تەرگەۋ مەلٸمەتٸنشە, ەسٸرتكٸ زاتتارى اباي وبلىسىنىڭ اۋماعىندا تاراتۋ ٷشٸن ارنايى تسەللوفان قاپتارعا بٶلشەكتەلٸپ ورالعان.
قازٸرگٸ تاڭدا اتالعان دەرەك بويىنشا قىلمىستىق كودەكستٸڭ 297-بابى 3-بٶلٸگٸنە سەيكەس سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە. كٷدٸكتٸ ۋاقىتشا ۇستاۋ يزولياتورىنا قامالدى. قۇقىق قورعاۋ ورگاندارى بۇل ٸسكە قاتىسى بار ٶزگە تۇلعالاردى انىقتاۋ جۇمىستارىن جالعاستىرىپ جاتىر.
ٸٸم ٶكٸلدەرٸ ەسٸرتكٸ جەتكٸزۋ ارنالارىنا توسقاۋىل قويۋ باعىتىنداعى جۇمىس الداعى ۋاقىتتا دا جٷيەلٸ تٷردە جالعاساتىنىن مەلٸمدەدٸ.
