QR Ulttyq bank tóraǵasy Ǵalymjan Pirmatov teńgeniń álsireý sebebin atady, dep habarlaidy QazAqparat.
«Geosaiasi jaǵdaidyń nasharlaýyna bailanysty qarjy jáne taýar naryqtarynda buryn-sońdy bolmaǵan shoktardyń áserimen damýshy elderdiń valiýtalarymen birge teńgeniń aiyrbastaý baǵamy osy jylǵy aqpanda qubylmaly boldy. Baǵamnyń negizsiz kúrt aýytqýlary kezinde qarjylyq turaqtylyq boiynsha táýekelderdi shekteý maqsatynda Ulttyq bank kei kúnderi valiýtalyq interventsiia júrgizdi. Onyń kólemi aqpanda 273,7 mln dollar boldy. Bul operatsiialar týraly aqparat jedel jariia etildi», - dedi Ulttyq bank tóraǵasy Úkimet otyrysynda.
Onyń atap ótýinshe, Ulttyq qor qarajatyn biýdjetke transfertter bólý úshin konvertatsiialaý operatsiialary, kvazimemlekettik sektor valiýtasyn satý, eksporttaýshylardyń biýdjetke salyqtyq tólemderi ulttyq valiýtaǵa qoldaý kórsetti.
«Faktorlar balansynyń negativti jaqqa aýysýy, naryqtardaǵy táýekel-sentiment teńgeniń dollarǵa shaqqandaǵy baǵamynyń aqpanda 495 teńgege deiin 14,2 paiyzǵa álsireýine sebep boldy. Naýryzda qosymsha sanktsiialarǵa, onyń ishinde Reseiden munai ónimderin importtaýǵa AQSh-tyń tyiym salýyna bailanysty Resei rýbliniń álsireýi teńgege qysymdy kúsheitti. Naýryzdyń basynan bastap 542 mln dollarǵa interventsiia júrgizildi. Biylǵy jylǵy 14 naýryzda teńge baǵamy bir dollar úshin 511,74 teńgeni qurady», - dedi Ǵalymjan Pirmatov.
