Ǵalymdar Kún júiesine jaqyn juldyzdy ainalyp júrgen Jerge uqsas, jartasty ǵalamshardy tapty dep habarlady Nature jýrnaly.
Britan ǵalymdary Proxima b dep atalatyn ǵalamshar Jerden tórt jaryq jyly, iaǵni 25 trillion mill qashyqtyqta, Kúnge jaqyn Proxima Centauri juldyzyn ainalyp júr deidi.
Ǵalymdar ǵalamshardy Chilidegi Eýropanyń ońtústik observatoriiasy teleskopynan juldyzdan shyqqan jaryqtyń ózgerýin baqylaý kezinde tapqan.
Proxima b ǵalamsharynyń massasy Jer massasynan 1,3 ese artyq, biraq ol óz juldyzyna tym jaqyn, ony orbita boiymen ár 11 kúnde bir ret ainalyp shyǵady.
Zertteýshiler Proxima Centauri-diń ózi Kúnnen álsiz bolǵandyqtan, Proxima b ǵalamshary ia tym ystyq, ia tym sýyq emes jáne ondaǵy temperatýra sýdyń suiyq kúiinde turýyna múmkindik beredi deidi. Biraq ǵalymdar ǵalamsharda aýa men sý bar, ia joq degenge naqty jaýap bere almaidy.
Ǵalymdar osy kezge deiin Kún júiesinen tys, "ekzoplaneta" dep atalyp ketken 2 myń 500-den astam ǵalamshardy tapqan. Biraq Proxima b bolashaqta ǵarysh kemesin ushyrýǵa bolarlyq ǵalamshar bolýy yqtimal.
"Azattyq"
