عالىمدار كٷن جٷيەسٸنە جاقىن جۇلدىزدى اينالىپ جٷرگەن جەرگە ۇقساس, جارتاستى عالامشاردى تاپتى دەپ حابارلادى Nature جۋرنالى.
بريتان عالىمدارى Proxima b دەپ اتالاتىن عالامشار جەردەن تٶرت جارىق جىلى, ياعني 25 تريلليون ميلل قاشىقتىقتا, كٷنگە جاقىن Proxima Centauri جۇلدىزىن اينالىپ جٷر دەيدٸ.
عالىمدار عالامشاردى چيليدەگٸ ەۋروپانىڭ وڭتٷستٸك وبسەرۆاتوريياسى تەلەسكوپىنان جۇلدىزدان شىققان جارىقتىڭ ٶزگەرۋٸن باقىلاۋ كەزٸندە تاپقان.
Proxima b عالامشارىنىڭ ماسساسى جەر ماسساسىنان 1,3 ەسە ارتىق, بٸراق ول ٶز جۇلدىزىنا تىم جاقىن, ونى وربيتا بويىمەن ەر 11 كٷندە بٸر رەت اينالىپ شىعادى.
زەرتتەۋشٸلەر Proxima Centauri-دٸڭ ٶزٸ كٷننەن ەلسٸز بولعاندىقتان, Proxima b عالامشارى يا تىم ىستىق, يا تىم سۋىق ەمەس جەنە ونداعى تەمپەراتۋرا سۋدىڭ سۇيىق كٷيٸندە تۇرۋىنا مٷمكٸندٸك بەرەدٸ دەيدٸ. بٸراق عالىمدار عالامشاردا اۋا مەن سۋ بار, يا جوق دەگەنگە ناقتى جاۋاپ بەرە المايدى.
عالىمدار وسى كەزگە دەيٸن كٷن جٷيەسٸنەن تىس, "ەكزوپلانەتا" دەپ اتالىپ كەتكەن 2 مىڭ 500-دەن استام عالامشاردى تاپقان. بٸراق Proxima b بولاشاقتا عارىش كەمەسٸن ۇشىرۋعا بولارلىق عالامشار بولۋى ىقتيمال.
"ازاتتىق"
