Aýyl sharýashylyǵy ministrligi Atyraý oblysyndaǵy epizootiialyq jaǵdaiǵa qatysty Qurmanǵazy (9 bas) jáne Isatai (17 bas) aýdandarynda 26 bas jylqydan aýrý anyqtalǵanyn málimdedi.
30 naýryzda 4 bas mal ólgen, al 22 bas malǵa dáriger simptomatikalyq em júrgizip jatyr, dep habarlaidy "Ult aqparat" Aýyl sharýashylyǵy ministrliginiń baspasóz qyzmetine silteme jasap.
24 naýryzda biologiialyq materialdar alynyp, jylqynyń rinopnevmaniiasy men infektsiialyq anemiia men basqa da juqpaly emes aýrýlardy zertteý úshin «Veterinariia boiynsha ulttyq referenttik ortalyq» ShJQ RMK-ǵa jiberildi. 29 naýryzda alynǵan zertteý nátijesi janýarlarda juqpaly aýrý joq ekenin kórsetti.
Al, 31 naýryzda Qazaq veterinariialyq ǵylymi-zertteý institýty men biologiialyq qaýipsizdik problemalary ǵylymi-zertteý institýtynyń ǵylymi qyzmetkerleri ǵylymi-praktikalyq kómek kórsetý, epizootologiialyq zertteýler júrgizý jáne jylqylardyń arasyndaǵy aýrýdyń diagnozyn anyqtaý úshin synama alý maqsatynda Atyraý oblysyna keldi.
Qyzylqoǵa aýdanyndaǵy «Oitań» sharýa qojalyǵyndaǵy qoi men IQM qyrylýyna qatysty, veterinariialyq baqylaý jáne qadaǵalaý komitetiniń derekteri boiynsha, janýarlar maldy azyqtandyrý jáne tamaqtandyrý sharýashylyǵy tehnologiiasyn buzý saldarynan óldi.
Sonymen qatar, komitetke Mahambet aýdanynyń «Mýtiev G.D.» ShQ-daǵy jáne Qurmanǵazy aýdanynyń turǵyny Samat Elemesovtyń maldarynyń qyrylý faktileri boiynsha epizootologiialyq tekserý júrgizý týraly tapsyrma berildi.
Komissiia qurylyp, onyń quramyna Veterinariialyq baqylaý jáne qadaǵalaý komitetiniń aýmaqtyq inspektsiiasynyń, ákimdiktiń, ǵylymi qyzmetkerlerdiń jáne basqa da múddeli organdardyń qyzmetkerleri kirdi.
Búgingi kúni ministrlik epizootiialyq jaǵdaidy baqylaýda ustap otyr.
