Ótken senbide Gaitidegi magnitýdasy 7,2 ball jer silkinisinen ólgender 1297-ge jetip, 5,7 myńǵa jýyq adam jaralanǵan. Bul aqparatty 15 tamyzda Gaitidiń Azamattyq qorǵanys qyzmeti taratty. Buǵan deiingi habarlarǵa qaraǵanda ólim-jitim jer silkinisiniń negizgi oshaǵyna jaqyn mańda kóbirek bolǵan.
200 myń halqy bar Jeremi qalasynyń ortalyǵynda negizinen bir qabatty úiler qulaǵan. Kóp qabatty qonaqúileri qiraǵan Le-ke qalasy da zardap shekken.
Gaiti premer-ministri elde tótenshe jaǵdai jariialaǵan. Halyqaralyq gýmanitarlyq uiymdar, dárigerler men qutqarýshylar baryp jatyr.
Aralda ornalasqan Gaiti búgin, 16 tamyzda Karib teńizinen soǵatyn shtorm kútip otyr. AQSh-tyń Daýyldy zertteý ortalyǵy (NHC) Gaitidiń keibir aýdandaryn sý alyp ketýi múmkin dep málimdedi.
