Beisenbi, 17 qarashada Gaaga soty 2014 jyly Donetsk oblysynda 298 adamnyń ómirin qiǵan Malaysia Airlines áýekompaniiasynyń Boeing 777 jolaýshylar ushaǵynyń apatqa ushyraýyna qatysty is boiynsha úkim shyǵardy, - dep habarlaidy Tengrinews.kz agenttigi Deutsche Welle arnasyna silteme jasap.
Sot MH17 Amsterdam - Kýala-Lýmpýr reisi boiynsha ushatyn MH17 ushaǵyn Pervomaiskoe aýylynyń janyndaǵy dalada ornalasqan "Býk"-tan atyp túsirdi dep sheshti.
Sondai-aq, sot apat kezinde DHR aýmaǵyndaǵy baqylaýdy Resei júzege asyrdy degen qorytyndyǵa keldi.
Sýdia "Býk"-tan atý ádeii jasalǵanyn, zymyran áskeri ushaqqa ushyrylady dep josparlanǵanyn, al MH17 ushaǵyna soǵylýy qatelik bolǵanyn aitty.
Aiyptalýshylar Resei azamattary - ózin-ózi jariialaǵan DHR burynǵy Qorǵanys ministri Igor Girkin (Strelkov), general-maior Sergei Dýbinskii (Hmýry), polkovnik Oleg Pýlatov (Giýrza) jáne Ýkraina azamaty Leonid Harchenko (Krot) boldy.
Tergeý qorytyndysyna sáikes, tórteýi de Reseiden qylmys qarýy – "Býk" áýe shabýylyna qarsy qorǵanys júiesiniń kelýine yqpal etken jáne onyń ekipajynyń áreketin úilestirgen, sol arqyly "298 adamdy óltirýde sheshýshi ról atqarǵan". Sottalýshylar úkimge qatysqan joq.
Girkin, Harchenko jáne Dýbinskii MH17 apatyna qatysy bar dep tanyldy. Olardyń barlyǵy jaza retinde ómir boiyna bas bostandyǵynan aiyryldy. Sottalýshy Pýlatovqa taǵylǵan aiyptar alynyp tastaldy.
Sonymen qatar, sottalǵandar qaza tapqandardyń týystaryna keminde 16 million eýro tóleýi kerek. Sot týystaryna keltirilgen shyǵyndy óteý Ýkraina zańnamasymen rettelýi kerek dep sheshti, sebebi zalal Ýkraina aýmaǵynda oryn alǵan.
Aita keteiik, Amsterdam-Kýala-Lýmpýr MH17 reisin oryndaǵan "Malaiziia áýe joldaryna" tiesili Boeing 777 laineri 2014 jyldyń 17 shildesinde Ýkrainanyń shyǵysynda apatqa ushyraǵan edi. Apattan 298 adam qaza tapty.
