Búgin fýtzaldan 2022 jylǵy Eýropa chempionatynda Qazaqstan quramasy shirek finaldaǵy oiynyn Ýkrainaǵa qarsy ótkizdi, dep habarlaidy QazAqparat.
Atalǵan oiynda toptyq kezeńdegi alǵan sary qaǵazyna bailanysty Edson men Tainan alańǵa shyqqan joq.
Kezdesý barysynda alǵashqy minýttan qazaqstandyq fýtzalshylardyń basymdyǵy baiqaldy. Degenmen olarǵa sáttilik jetpei jatty. Esesine ýkrainalyq fýtbolshy 14-minýtta qazaqstandyq quramanyń aiyp alańynda qulap, tóreshi penalti belgiledi. Ony Piotr Shotýrma múlt jibermei, osylaisha Ýkraina alǵa shyqty.
Ekinshi kezeńde ýkrainalyq Mihail Zvarych 29-minýtta basymdyqty arttyrdy. Odan keiin 33-minýtta qazaqstandyq quramadan Dýglas Jýnior esep aiyrmasyn qysqartsa, 37-minýtta Birjan Orazov mergendik tanytty. Budan keiin ýkrainalyq quramadan Vladimir Razývanov 38, Iaroslav Lebed 39-minýtta bos qalǵan qaqpaǵa gol soǵyp ketti.
Osylaisha Qazaqstan qarsylasyna 3:5 esebimen jol berdi. Endi jarysty Ýkraina quramasy jalǵastyrady.
Eske salsaq, Qazaqstan quramasy V tobynda synǵa tústi. Alǵashqy oiynda Sloveniiamen (4:4) teń túsip, odan keiin Finliandiiany (6:2) jáne Italiiany 4:1 esebimen tize búktirdi. Nátijesinde 7 upaimen birinshi oryn aldy.
Búgin shirek finalda Portýgaliia Finliandiiadan 3:2 esebimen basym túsip, jartylai finalǵa shyqqan alǵashqy qurama atandy.
Endi 1 aqpanda Ispaniia men Slovakiia, Resei men Grýziia sheberlik baiqasady.
Jartylai finaldyq oiyndar 4 aqpanǵa belgilengen. Al 6 aqpanda final jáne 3-oryn úshin oiyndar bolady.
Eýropa chempionaty 1996 jyldan beri turaqty túrde ótkizilip keledi. Búginge deiin Ispaniia - 7, Italiia - 2, Resei men Portýgaliia 1 márte chempion atandy.
Aita ketsek, Qazaqstan quramasy buǵan deiin Eýropa chempionaty finaldyq satysynda eki márte synǵa tústi. 2016 jyly - 3, 2018 jyly 4-oryn aldy.
