بٷگٸن فۋتزالدان 2022 جىلعى ەۋروپا چەمپيوناتىندا قازاقستان قۇراماسى شيرەك فينالداعى ويىنىن ۋكرايناعا قارسى ٶتكٸزدٸ, دەپ حابارلايدى قازاقپارات.
اتالعان ويىندا توپتىق كەزەڭدەگٸ العان سارى قاعازىنا بايلانىستى ەدسون مەن تاينان الاڭعا شىققان جوق.
كەزدەسۋ بارىسىندا العاشقى مينۋتتان قازاقستاندىق فۋتزالشىلاردىڭ باسىمدىعى بايقالدى. دەگەنمەن ولارعا سەتتٸلٸك جەتپەي جاتتى. ەسەسٸنە ۋكراينالىق فۋتبولشى 14-مينۋتتا قازاقستاندىق قۇرامانىڭ ايىپ الاڭىندا قۇلاپ, تٶرەشٸ پەنالتي بەلگٸلەدٸ. ونى پيوتر شوتۋرما مٷلت جٸبەرمەي, وسىلايشا ۋكراينا العا شىقتى.
ەكٸنشٸ كەزەڭدە ۋكراينالىق ميحايل زۆارىچ 29-مينۋتتا باسىمدىقتى ارتتىردى. ودان كەيٸن 33-مينۋتتا قازاقستاندىق قۇرامادان دۋگلاس جۋنيور ەسەپ ايىرماسىن قىسقارتسا, 37-مينۋتتا بٸرجان ورازوۆ مەرگەندٸك تانىتتى. بۇدان كەيٸن ۋكراينالىق قۇرامادان ۆلاديمير رازۋۆانوۆ 38, ياروسلاۆ لەبەد 39-مينۋتتا بوس قالعان قاقپاعا گول سوعىپ كەتتٸ.
وسىلايشا قازاقستان قارسىلاسىنا 3:5 ەسەبٸمەن جول بەردٸ. ەندٸ جارىستى ۋكراينا قۇراماسى جالعاستىرادى.
ەسكە سالساق, قازاقستان قۇراماسى ۆ توبىندا سىنعا تٷستٸ. العاشقى ويىندا سلوۆەنييامەن (4:4) تەڭ تٷسٸپ, ودان كەيٸن فينلياندييانى (6:2) جەنە يتالييانى 4:1 ەسەبٸمەن تٸزە بٷكتٸردٸ. نەتيجەسٸندە 7 ۇپايمەن بٸرٸنشٸ ورىن الدى.
بٷگٸن شيرەك فينالدا پورتۋگالييا فينلياندييادان 3:2 ەسەبٸمەن باسىم تٷسٸپ, جارتىلاي فينالعا شىققان العاشقى قۇراما اتاندى.
ەندٸ 1 اقپاندا يسپانييا مەن سلوۆاكييا, رەسەي مەن گرۋزييا شەبەرلٸك بايقاسادى.
جارتىلاي فينالدىق ويىندار 4 اقپانعا بەلگٸلەنگەن. ال 6 اقپاندا فينال جەنە 3-ورىن ٷشٸن ويىندار بولادى.
ەۋروپا چەمپيوناتى 1996 جىلدان بەرٸ تۇراقتى تٷردە ٶتكٸزٸلٸپ كەلەدٸ. بٷگٸنگە دەيٸن يسپانييا - 7, يتالييا - 2, رەسەي مەن پورتۋگالييا 1 مەرتە چەمپيون اتاندى.
ايتا كەتسەك, قازاقستان قۇراماسى بۇعان دەيٸن ەۋروپا چەمپيوناتى فينالدىق ساتىسىندا ەكٸ مەرتە سىنعا تٷستٸ. 2016 جىلى - 3, 2018 جىلى 4-ورىن الدى.
