Qazaqstan quramasynyń fýtzaldan álem chempionaty shirek finalyndaǵy qarsylasy anyqtaldy, dep habarlaidy QazAqparat.
Shirek finalda 27 qyrkúiekte qazaqstandyq fýtzal sheberleri Iranmen kezdesedi. Irandyq qurama búgin 1/8 finalda Ózbekstan quramasyn 9:6 esebimen tize búktirdi.
Eske salsaq, 23 qyrkúiekte Qazaqstan jarystyń atalǵan satysynda Tailandtan 7:0 basym tústi. Sol kúngi taǵy bir kezdesýde Argentina Paragvaidy 6:1 esebimen jeńdi.
Aita ketsek, 22 qyrkúiekte Resei Vetnamdy, Marokko Venesýelany 3:2 esebimen jeńip, shirek finalǵa shyqqan bolatyn.
Endi búgin, 24 qyrkúiekte 1/8 finalda Ispaniia men Chehiia, Portýgaliia men Serbiia quramalary sheberlik baiqasady. Eki juptyń jeńimpazdary shirek finalda bir-birimen kezdesedi.
Qazir shirek finaldaǵy Marokko men Braziliia, Resei men Argentina, Qazaqstan men Iran quramalarynyń kezdesetini anyqtaldy.
Qazaqstan quramasy budan buryn álem chempionaty finaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 finalǵa deiin jetti.
Álem chempionatynyń finaly 3 qazanǵa belgilengen.
