قازاقستان قۇراماسىنىڭ فۋتزالدان ەلەم چەمپيوناتى شيرەك فينالىنداعى قارسىلاسى انىقتالدى, دەپ حابارلايدى قازاقپارات.
شيرەك فينالدا 27 قىركٷيەكتە قازاقستاندىق فۋتزال شەبەرلەرٸ يرانمەن كەزدەسەدٸ. يراندىق قۇراما بٷگٸن 1/8 فينالدا ٶزبەكستان قۇراماسىن 9:6 ەسەبٸمەن تٸزە بٷكتٸردٸ.
ەسكە سالساق, 23 قىركٷيەكتە قازاقستان جارىستىڭ اتالعان ساتىسىندا تايلاندتان 7:0 باسىم تٷستٸ. سول كٷنگٸ تاعى بٸر كەزدەسۋدە ارگەنتينا پاراگۆايدى 6:1 ەسەبٸمەن جەڭدٸ.
ايتا كەتسەك, 22 قىركٷيەكتە رەسەي ۆەتنامدى, ماروككو ۆەنەسۋەلانى 3:2 ەسەبٸمەن جەڭٸپ, شيرەك فينالعا شىققان بولاتىن.
ەندٸ بٷگٸن, 24 قىركٷيەكتە 1/8 فينالدا يسپانييا مەن چەحييا, پورتۋگالييا مەن سەربييا قۇرامالارى شەبەرلٸك بايقاسادى. ەكٸ جۇپتىڭ جەڭٸمپازدارى شيرەك فينالدا بٸر-بٸرٸمەن كەزدەسەدٸ.
قازٸر شيرەك فينالداعى ماروككو مەن برازيلييا, رەسەي مەن ارگەنتينا, قازاقستان مەن يران قۇرامالارىنىڭ كەزدەسەتٸنٸ انىقتالدى.
قازاقستان قۇراماسى بۇدان بۇرىن ەلەم چەمپيوناتى فينالدىق ساتىسىندا ەكٸ مەرتە باق سىنادى. 2000 جىلى بٸرٸنشٸ كەزەڭنەن اسا الماسا, 2016 جىلى 1/8 فينالعا دەيٸن جەتتٸ.
ەلەم چەمپيوناتىنىڭ فينالى 3 قازانعا بەلگٸلەنگەن.
