Búgin fýtzaldan Qazaqstan quramasy Álem chempionatynyń ekinshi irikteý satysyndaǵy kezekti oiynyn Chernogoriiaǵa qarsy ótkizdi, dep habarlaidy "Ult aqparat" QazAqparat agenttigine silteme jasap.
Kezdesý barysynda qazaqstandyq fýtzalshylar senimdi oiyn kórsetti.
Nátijesinde birinshi kezeńde el quramasynan Jýnior Dýglas 1-minýtta esep ashsa, Abdirasýl Ábdimanapuly – 3, Arnold Knaýb 14-minýttarda esepti ústemelei tústi.
Ekinshi kezeńniń 21-minýtynda Albert Aqbalyqov mergendik tanytsa, Birjan Orazov 24 jáne 25-minýttarda kózdegen nysanadan múlt ketken joq. Oiyn núktesin 39-minýtta Azat Valiýllin qoidy.
Osylaisha el fýtzalshylary qarsylasynan 7:0 esebimen basym tústi.
El quramasy besinshi topta synǵa túsedi. Qarsylastary - Sloveniia men Chernogoriia.
Buǵan deiin qazaqstandyq fýtzalshylar óz alańynda Sloveniiany 2:0 esebimen tize búktirip, syrt alańda Chernogoriiany 5:1 esebimen jeńdi.
Óz tobynda toǵyz upaimen birinshi orynda kele jatqan Qazaqstan quramasy bir týr buryn úshinshi irikteý kezeńine joldama aldy.
Endi quramamyz 2023 jyldyń 8 naýryzynda syrt alańda Sloveniiamen taǵy bir márte kezdesedi.
Fýtzaldan Qazaqstan quramasy álem chempionatynyń finaldyq satysynda 2000, 2016, 2021 jyldarda synǵa túsip, 2021 jyly tórtinshi orynǵa taban tiregen edi.
